Fana: At a Speed of Life!

ቻይና ቻንግ ኢ-4 የተሰኘች መንኳራኩር በጨረቃ ጨለማማ ክፍል ላይ ማሳረፏ ተገለፀ

አዲስ አበባ፣ታህሳስ 25፣2011 (ኤፍ ቢ ሲ) ቻይና  ቻንግ ኢ-4 የተሰኘች  ሰው አልባ መንኮራኩር በጨረቃ ሩቅ ርቅት ላይ በሚገኘ ጨለማ ክፍል  ላይ ማሳረፏ ተገለፀ።

መንኮራኩሯ  በትናንትናው  ዕለት በቻይና ስዓት አቆጣጣር ከጥዋቱ 4 ሰዓት ከ26 ደቂቃ ላይ በተሳካ ሁኔታ  ማረፏን  የሀገር ውስጥ መገናኛ ብዙሃን ዘግበዋል።

ይህ የተሳካ በረራም ቻይና በህዋ ላይ ለምታደርገው ምርምር  የመሰረት ድንጋይ በመሆን ወደ ፊት  ለሚደረጉ ስራዎች ጥሩ ተሞክሮዎችን የሚያካፍል መሆኑን የሀገሪቱ የህዋ ሳይንስ ባለሙያዎች ተናግረዋል።

ቻንግ ኢ-4 ከመሬት ካሉ ባለሙያውች ጋር ለመገናኘት የሚያስችል ዘመናዊ ሳተላይት የተገጠመላት መሆኑ በዘገባው ተተቅሷል።

ይህም ከዚህ በፊት ያልታየውን የጨረቃ  ሩቅ ጨለማማ ክፍልና አካባቢ ለማየት የተደረገ የመጀመሪያው የህዋ ላይ ጉዞ ነው ተመላክቷል።

መንኮራኩሯ ከቦታው ላይ ካረፈች በኋለም የጨረቃን ጨለማ ክፍል የሚያሳዩ ምስሎችን ወደ መሬት መላኳ ነው የተገለፀው።

ከዚህ ባለፈም  ከዚህ በፊት ያልታዩ የጨረቃ ሩቅ ክፍሎችን የሚያሳዩ ምስሎችን ወደ መሬት ለመላክ በዝግጅት ላይ መሆኗ ተገልጿል።

ቻንግ ኢ-4 በጨረቃ ሩቅ ክፍል ላይ በሚኖራት ቆይታም በአካባቢው የሚገኙ የተለያዩ ተፈጥሯዊ ክስተቶችን የምትፈትሽ መሆኑ ተጠቁሟል።

በዚህ መሰረትም  መንኮራኩሯ በጨረቃ ሩቅ እርቀት ላይ ያለውን የመሬት ስበት ውኔታ ፣የውሃ አካል መኖር አለመኖሩንና ጨረቃ ከፀሃይ ብርሃን ጋር ያላትን ግንኙነት ታጠናለች ተብሎ ይጠበቃል።

 

ምንጭ ፦ሽንዋ

You might also like
Comments
Loading...