Fana: At a Speed of Life!

በፕሪምየር ሊጉ ቅዱስ ጊዮርጊስ፣ ባህር ዳር፣ መቐለና አዳማ  ድል ቀንቷቸዋል

አዲስ አበባ፣ ጥር 4፣ 2011 (ኤፍ.ቢ.ሲ) የኢትዮጵያ ፕሪምየር ሊግ 10ኛ ሳምንት ጨዋታዎች በዛሬው እለት በአዲስ አበባ እና በክለል ከተሞች ተካሂደው ውለዋል።

ዛሬ በአዲስ አበባ ስታዲየም የተካሄደ ጨዋታ ቅዱስ ጊዮርጊስን ከመከላከያ ያገናኘ ሲሆን፥ ጨዋታውንም ቅዱስ ጊዮርጊስ በሰፊ የግብ ልዩነት አሸንፏል።

ጨዋታውን ቅዱስ ጊዮርጊስ 5ለ1 በሆነ ውጤት መከላከያን ያሸነፈ ሲሆን፥ የቅዱስ ጊዮርጊስን የማሸነፊያ ጎሎች ጌታነህ ከበደ ሁለት ጎሎች እንዲሁም ሳላሀዲን ሰዒድ፣ ሙሉዓለም መስፍን እና ሳሙኤል ተስፋዬ አስቆጥረዋል።

የመከላከያን ብቸኛ ጎል ደግሞ የቅዱስ ጊዮርጊሱ ሳላዲን በርጊቾ በ36ኛው ደቂቃ በራሱ ላይ አስቆጥሯል።

ክልል ላይ በተደረገ ጨዋታ በባህር ዳር ዓለም አቀፍ ስታዲየም ባህር ዳር ከተማ ከደደቢት የተገናኙ ሲሆን፦ ጨዋታውንም ባህር ዳር ከተማ 2ለ0 በሆነ ውጤት አሸንፏል።

የደደቢቱ ኤፍሬም ጌታቸው ራሱ ላይ) እንዲሁም ጃኮ አራፋት ያስቆጠሯቸው ሁለት ጎሎች ባህር ዳር ከተማን አሸናፊ አድርገዋል።

ሀዋሳ ላይ የተካሄደ ጨዋታ ደግሞ ሀዋሳ ከተማን ከመቐለ 70 እንደርታ ያገናኘ ሲሆን፦ ጨዋታውም በመቐለ 70 እንደርታ 1ለ0 አሸናፊነት ነው የተጠናቀቀው።

የመቐለ 70 እንደርታ የማሸነፊያ ጎልም አማኑኤል ገብረሚካኤል ነው ከመረብ ያሳረፈው።

አዳማ ላይ የተደረገ ጨዋታ ደግመፐ አዳማ ከተማን ከድሬዳዋ ከተማ ያገናኘ ሲሆን፥ ጨዋታውም በአዳማ ከተማ 1ለ0 አሸናፊነት ተጠናቋል።

በጨዋታውም ዳዋ ሆቴሳ የአዳማ ከተማን ብቸኛ የማሸነፊያ ጎል በ84ኛው ደቂቃ ከመረብ አሳርፏል።

 

You might also like
Comments
Loading...