Fana: At a Speed of Life!

በከፍተኛ የትምህርት ተቋማት የመጀመሪያው የሰላም ኮንፈረንስ በአዲስ አበባ ዩኒቨርስቲ ተካሄደ

አዲስ አበባ፣ ጥር 4፣ 2011 (ኤፍ.ቢ.ሲ) በከፍተኛ የትምህርት ተቋማት የመጀመሪያው የሰላም ኮንፈረንስ ዛሬ በአዲስ አበባ ዩኒቨርስቲ ተካሂዷል።

”ከፍተኛ ትምህርት ተቋማት ለሰላም” በሚል መሪ ቃል በተካሄደው ኮንፍረንስ ላይ ከሁሉም ዩኒቨርስቲዎች የተወከሉ የአስተዳደር አካላትና ተማሪዎች ተሳትፈዋል።

የሰላም ሚኒስትር ዴእታ ወይዘሮ አልማዝ መኮነን በኮንፈረንሱ ላይ፥ ሀገራችን ከበርካታ ብሄር ብሄረሰቦችና ህዝቦች ውህደት የተገነባች በመሆኗ አንዳችን ላንዳችን ዘብ በመቆም አለኝታነታችንን ማረጋገጥና ወገንተኝነታችንን ማስመስከር አለብን ብለዋል።

በተለይም ደግሞ የዚህ ግንባር ቀደምት ምሳሌ መሆን ያለባቸዉ የብሄሮች ነፀብራቅ ማሳያ የሆኑት ዩኒቨርስቲዎች ሰላምን ማስጠበቅ ተቀዳሚ ተግባራቸው ማድረግ አለባቸዉ ብለዋል።

የአዲስ አበባ ዩኒቨርስቲ ፕሬዚዳንት ፕሮፌሰር ጣሰው ወልደሀና በበኩለቸዉ በሀገሪቱ ያሉ ከፍተኛ የትምህርት ተቋማት ለስኬቶች ቁልፍ ለሆነዉ ሰላም ቅድሚያ መስጠት እንዳለባቸዉ ጠቁመዋል።

የአዲስ አበባ ዩኒቨርስቲም ለዚሁ ዘርፍ ልዩ ትኩረት ሰጥቶ እየሰራበት እንደሆነ ገለፀጹት ፕሮፌሰር ጣሰው፥ ይህ ተግባር ባንድ ወቅት የሚከናወን ብቻ ሳይሆን ቀጣይነት ባለው መልኩ የሚሰራበ እንድሆነም አብራርተዋል።

ፕሮፌሰር ጣሰው አክለው፥ ህብረተሰቡም ሆነ ፖለቲከኞች ዩኒቨርስቲዎች የተለያዩ የምርምር ማእከሎች የመልካም ዜጋ መለቂያዎች እንዲሆኑ ከየትኛዉም ጫና ሊታደጓቸው እንደሚገባ ጥሪ አቅርበዋል።

በሙሀመድ አሊ

You might also like
Comments
Loading...