Fana: At a Speed of Life!

በእነማይ ወረዳ አንዲት እናት አራት ሴት ልጆችን ተገላገለች

አዲስ አበባ፣ ታህሳስ 26፣ 2011 (ኤፍ.ቢ.ሲ) በምስራቅ ጎጃም ዞን በእነማይ ወረዳ አንዲት እናት አራት ሴት ልጆችን በአንደ ጊዜ ተገላገለች፡፡

ወይዘሮ ላቀች መዋህኝ የተባለችው እናት  ታህሳስ 24 ከሌሊቱ 11 ሰዓት ከ30  ወደ የትመን ጤና ጣቢያ በመሄድ እስከ ጥዋቱ 12 ሰዓት ከ30  ባለው ጊዜ ድረስ አራት  ሴት ህጻናትን በሰላም ተገላገለች፡፡

አራት ልጆችን በአንድ ጊዜ የወለዱት  እናት ከዚህ በፊት አራት  ጊዜ በሰላም መገላገላቸው የተገለፀ ሲሆን በአሁን ወቅት ህጻናቱ በቢቸና የመጀመሪያ ደረጃ ሆስፒታል ይገኛሉ ተብሏል፡፡

እናት በሙሉ ጤና ላይ የምትገኝ ቢሆንም እስካሁን ተመሳሳይ ክስተት በተቋሙ ተከስቶ የማያውቅ በመሆኑ  በከፍተኛ ባለሙያ እንድትታይ ወደ ደብረ ማርቆስ ሪፈራል ሆስፒታል ተልካለች፡፡

የተቋሙ የህክምና ባለሙያም በህክምና ስራቸው  አንዲት እናት አራት ልጆችን ስትወልድ የመጀመሪያየቸው እንደሆነ የገለፁ ሲሆን አስፈላጊዉን ቅድመ ዝግጅት በመደረጉ ያለምንም ችግር እናቲቱ አራት ልጆች በአድ ጊዜ መገላገል ችላለች ማለታቸውን ከብቸና ወረዳ ኮሙኒኬሽን ያገኘነው መረጃ ያመለክታል፡፡

You might also like
Comments
Loading...