Fana: At a Speed of Life!

በነዳጅ ምርቶች የችርቻሮ መሸጫ ዋጋ ላይ ጭማሪ ተደረገ

አዲስ አበባ፣ ጥር 22፣ 2011 (ኤፍ.ቢ.ሲ) በነዳጅ ምርቶች የችርቻሮ መሸጫ ዋጋ ላይ መጠነኛ ጭማሪ ማድረጉን የንግድና ኢንዱስትሪ ሚኒስቴር አስታወቀ።
ሚኒስቴሩ ለፋና ብሮድካስቲንግ ኮርፖሬት በላከው መግለጫ አለም ላይ ያለውን የነዳጅ ምርቶች ዋጋ ጭማሪን ግምት ውስጥ በማስገባት እና በህዳር ወር ተደረገው ዋጋ ማስተካከያ ዝቅተኛ በመሆኑ ፥ በነዳጅ ምርቶች የችርቻሮ መሸጫ ዋጋ ላይ መጠነኛ ጭማሪ ማድረጉን አስታውቋል።

በዚህም መሰረት፡-

ቤንዚን በሊትር 19 ብር ከ69 ሳንቲም የነበረው 20 ብር ከ19 ሳንቲም

ነጭ ናፍጣ በሊትር 17 ብር ከ78 ሳንቲም የነበረው 18 ብር ከ03 ሳንቲም

ቀላል ጥቁር ናፍጣ በሊትር 15 ብር ከ41 ሳንቲም የነበረው 15 ብር ከ66 ሳንቲም

ከባድ ጥቁር ናፍጣ በሊትር 14 ብር ከ90 ሳንቲም የነበረው 15 ብር ከ15 ሳንቲም

እንዲሁም የአውሮፕላን ነዳጅ በሊትር 20 ብር ከ62 ሳንቲም ፣ቤኒዚን ኢታኖል ድብልቅ በሊትር 19 ብር ከ89 ሳንቲም እንዲሁም ኬሮሲን በሊትር 18 ብር ከ03 ሳንቲም ሆኗል፡፡

የነዳጅ ችርቻሮ መሸጫ ዋጋው ከነገ ጥር 23 ቀን 2011 ዓ.ም ጀምሮ በሁሉም የሃገሪቱ ክፍሎች በሚገኙ ማደያዎች ተግባራዊ እንደሚሆንም ሚኒስቴሩ ገልጿል።

You might also like
Comments
Loading...