Fana: At a Speed of Life!

በቻይና በሌሊት ወፍ ላይ ከኢቦላ ጋር የሚመሳሰል ቫይረስ መገኘቱ ተገለፀ

አዲስ አበባ፣ ጥር 01፣ 2011 (ኤፍ.ቢ.ሲ) በቻይና ከኢቦላ ጋር ተመሳሳይነት ያለው ቫይረስ በሌሊት ወፍ ላይ መገኘቱ ጥናት አመለከተ።

“መንገላ” የሚል ስያሜ የተሰጠው ቫይረሱ አደገኛ ነው የተባለ ሲሆን፥ በቻይና ዩዋን ግዛት የሌሊት ወፍ ላይ መገኘቱ ነው በጥናቱ የተገለፀው።

ቫይረሱም በሰዎች ላይ ከፍተኛ የሆነ ትኩሳት እና ህመም ሊያስከትል የሚችል መሆኑን ነው ኔቸር ሚክሮባዮሎጂ መጽሄት ላይ የታተመው ጥናት ያመለከተው።

የሌሊት ወፎቹን የበራሄ ልዩነት እና ያሉበትን መልክአ ምደር ማጥናት ቫይረሱ ወረርሽኝ እንዳይሆን እና የሚያደርሰውን ጉዳት ቀድሞ ለመከላከል እንደሚያስችልም ነው ተመራማሩዎች ያስታወቁት።

“መንገላ” የሚል ስያሜ የተሰጠው ቫይረስ ሳይሰራጭ በፊት በጥናት መለየቱ በቻይና ከተሰሩ ጥናቶች ጠንካራው እንደሚያደርገውም ነው የተነገረው።

ተመራማሪዎቹ በቀጣይ በሚያከናውኑት ጥናት “መንገላ” ቫይረስ ወደ ሌሎች ዝርያዎች መተላለፍ ይችላል?፤ የሚተላለፍ ከሆነስ በምን መልኩ፤ የሚለውን ለመለየት እንደሚሰሩ ገልፀዋል።

ምንጭ፦ www.upi.com/Health

You might also like
Comments
Loading...