Fana: At a Speed of Life!

በቫሌንሺያ የ10 ኪሎ ሜትር የጎዳና ላይ ሩጫ ኢትዮጵያውያን አትሌቶች ድል ቀንቷቸዋል

አዲስ አበባ ፣ ጥር 6 ፣ 2011 (ኤፍ ቢ ሲ) በስፔን ቫሌንሺያ በተካሄደ የ10 ኪሎ ሜትር የጎዳና ላይ ሩጫ ኢትዮጵያውያን አትሌቶች ድል ቀንቷቸዋል።

በሴቶቹ አትሌት ጸሃይ ገመቹ በአትሌት ጥሩነሽ ዲባባ ተይዞ የነበረውን የርቀቱን የኢትዮጵያ ክብረወሰን በማሻሻል አሸንፋለች።

10 ኪሎ ሜትሩን ለማጠናቀቅ 30 ደቂቃ ከ15 ሰከንድ በሆነ ጊዜ ስትገባ፥ የጥሩነሽን ክብረ ወሰን በ15 ሰከንድ ማሻሻል ችላለች።

ኬንያውያኖቹ ግሎሪያ ኪቴ እና ኤቫሊን ቺርቺር ደግሞ ተከታዮቹን ደረጃዎች ይዘው አጠናቀዋል።

በወንዶቹ ደግሞ አትሌት ከተማ ጫላ በርቀቱ የቦታውን ክብረ ወሰን በማሻሻል ማሸነፍ ችሏል።

አትሌት ከተማ ርቀቱን በ27 ደቂቃ ከ23 ሰከንድ በመግባት አጠናቋል።

ዩጋንዳዊው ስቴፈን ኪሳ እና ኬንያዊው ቨዲች ቼሪዮት ደግሞ 2ኛ እና 3ኛ በመሆን ውድድራቸውን ጨርሰዋል።

 

ምንጭ፦ www.iaaf.org

 

You might also like
Comments
Loading...