Fana: At a Speed of Life!

በሩሲያ ሴፓስቶፖል ከተማ የፍጥነት መቆጣጠሪያ ካሜራዎች እየወደሙ መሆኑ ተገለጸ

አዲስ አበባ፣ ታህሳስ 23፣ 2011 (ኤፍ.ቢ.ሲ) በሩሲያ ሴፓስቶፖል ከተማ የፍጥነት መቆጣጠሪያ ካሜራዎች እየወደሙ መሆኑ ተገለጸ፡፡

ጥቃቱ ሆን ተብሎ የሚፈፀም፣ የታቀደና የተቀነበባረ ሲሆን÷ ዓላማው ምን እንደሆነ እንዳልታወቀ ነው የተነገረው፡፡

እነዚህ ካሜራዎችና ለካሜራዎቹ ሃይል የሚሰጡ የሶላር ፓኔሎች ላይ ጥቃት መድረስ የመጀመረው በአሳለፍነው የታህሳስ ወር መጀመሪያ ጀምሮ ነው ተብሏል፡፡

ሴፓስቶፖል ከተማ አስተዳደር በአንድ ወር ውስጥ 16 የፍጥነት መቆጣጠሪያ ካሜራዎች ሲወድሙ÷ በፖሊስ እስካሁን አንድም ተጠርጣሪ በቁጥጥር ስር ያለመዋሉን አስታውቋል፡፡

የሴፓስቶፖል ከተማ ሞተረኞችን ከሚፈለገው ፍጥነት በላይ ሲያሽከረክሩ ካሜራዎቹ በተዳጋጋሚ ይይዟቸው የነበረ ሲሆን÷ከድርጊቱ ጀርባ ሊኖሩበት እንደሚችሉ ጥርጣሬ ቢኖርም መረጃ ያለመኖሩ ነው የተገለጸው፡፡

በተናጠል ከ15እስከ 30 ሺህ ዶላር ዋጋ ያላቸው ካሜራዎቹ ኢንሹራንስ እንዳላቸው የተገለጸ ሲሆን÷ አሁን ላይ ግን የጉዳቱ መጠን ተደጋጋሚነት እየጨመረ ሲመጣ ወጪው በከተማ አሰተዳደሩ እንዲሸፈን እየተጠየቀ ነው ተብሏል፡፡

አጥፊዎቹን ለመያዝ የሚደረገው ክትትል ተጠናክሮ የቀጠለ ሲሆን÷ አጥፊዎቹ ከተያዙ የካሜራዎችን ዋጋ እንዲከፍሉ እንደሚደረግ ነው ዘገባው የሚያመለክተው፡፡

 

ምንጭ ፡- ኦዲቲይሴንትራል ዶት ኮም

You might also like
Comments
Loading...