Fana: At a Speed of Life!

ቁርስ መመገብ ከክብደት መቀነስ ጋር አይያያዝም-ጥናት

አዲስ አበባ፣ ጥር 23፣ 2011 (ኤፍቢሲ) ቁርስ መመገብ ወይንም አለመመገብ ከክብደት መቀነስ እና መጨመር ጋር እንደማይያያዝ አንድ ጥናት ይፋ አደረገ፡፡

ጥናቱ ሰዎች የሰውነት ክብደታቸውን ለመቀነስ ቁርስ እንደሚዘሉ  አመልክቷል፡፡

ቀደም ብለው የወጡ ጥናቶች  ከፍተኛ መጠን ያለው ቁርስ መመገብ  በቀን ውስጥ የምግብ ፍላጎትን በመቀነስ ክብደትን ለመቀነስ እንደሚያስችል ነው በተደጋጋሚ ሲገልፁ የቆዩት፡፡

ሆኖም ይፋ የሆነው አዲስ ጥናት  በቀን አስፈላጊ የሆነው ቁርስ  ከክብደት መጨመር እና መቀነስ ጋር አንደማይያያዝ  ጠቁሟል፡፡

ተመራማሪዎቹ  ቁርስን መመገብ ከክብደት መቀነስ  እና አለመመገብ ደግሞ ለመጨመር ያስችላል የሚለውን ነገር የሚያረጋግጥ ማግኘት እንዳልቻሉ አስታውቀዋል፡፡

በቁርስ ወቅት ሰዎች ከፍተኛ መጠን ያለው የካሎሪ እንደሚመገቡ ጥናቱ ያመለከተ ቢሆንም ቁርስ መዝለል ግን  የምግብ ፍላጎትን ለመጨመር ምክንያት እንደማይሆን አመልክቷል፡፡

በአውስትራሊያ ሞናሽ ዩንቨርስቲ የሚገኙ ተመራማሪዎች ከዚህ ውጤት ለመድረስ መደበኛ የቁርስ አመጋገብ  ከክብደት ጋር ያለውን ተያያዥነት እና የሀይል ሰጪ ምግቦች አወሳሰድን በተመለከተ ላለፉት 28 ዓመታት በተገኙ 13 ጥናታዊ ጽሁፎች ላይ ትንተና ማካሄዳቸው  ተነግሯል፡፡

ምንጭ፡-dailymail

You might also like
Comments
Loading...