Fana: At a Speed of Life!

ሞሃመድ ሳላህ የ2018 የአፍሪካ ኮከብ ተጫዋች በመሆን ተመረጠ

አዲስ አበባ ፣ ጥር 1 ፣ 2011 (ኤፍ ቢ ሲ) የግብጽ ብሄራዊ ቡድን እና የሊቨርፑሉ አጥቂ ሞሃመድ ሳላህ የ2018 የአፍሪካ ኮከብ ተጫዋች በመሆን ተመረጠ።

ሳላህ ትናንት ምሽት በተካሄደው ምርጫ የሴኔጋሉን ሳዲዮ ማኔ እና ኤሜሪክ ኦባሚያንግን አስከትሎ አሸናፊ ሆኗል።

ሳላህ በተጠናቀቀው የፈረንጆቹ 2018 ሃገሩ ግብጽን ለሩሲያው የዓለም ዋንጫ ውድድር አብቅቷል።

ከዚህ ባለፈም በክለቡ ሊቨርፑል 44 ጎሎቹን ሲያስቆጥር፥ ክለቡ እስከ ቻምፒየንስ ሊግ ፍጻሜ ባደረገው ጉዞም ጉልህ ድርሻ ተወጥቷል።

ሳላህ የዓመቱ ኮከብ ተጫዋችነት ሽልማትን ሲያሸንፍ ለተከታታይ ጊዜ ነው።

ግብጻዊው አጥቂ የቢቢሲ የአመቱ ምርጥ የአፍሪካ ተጫዋችነት ሽልማትን ማሸነፉም ይታወሳል።

 

 

You might also like
Comments
Loading...