Fana: At a Speed of Life!

ሙሉ ህይወታቸውን ዛፍ በመትክል ያሳለፉት ሰው

አዲስ አበባ፣ ጥር 21፣ 2011 (ኤፍ.ቢ.ሲ) ኗሪነታቸው ህንድ ፑጃርጋወን ውስጥ ባሬን ኮረብታ አካባቢ የሆነው ቪሽውሸዋር ዱት ሳክላኒ የተባሉት ሰው ሙሉ እድሚያቸውን ዛፍ በመትከል ማሳለፋቸው ተነግሯል፡፡

በዚህም በ120 ሄክታር መሬት ላይ 5 ሚሊየን ያህል ዘፎችን መትከላቸው ነው የተገለጸው፡፡

በአካባቢው የዛፉ ሰው እየተባሉ የሚጠሩት እኚህ ሰው አካባቢያቸውን ወደጥቅጥቅ ደን ቀይረዋል ተብሏል፡፡

ይህንን ተግባር ገና በስምንት ዓመታቸው ከአጎታቸው እንደለመዱት የተነገራላቸው አዛውንቱ የዛሬ አስር ዓመት ከእድሜና ከበሽታ ጉዳይ ጋር በተያያዘ የዓይን ብርሃናቸውን አስካጡ ድረስ ለሰባት አስርት ተካታታይ ዓመታት ሳይሰለቹ ዛፎችን ይተክሉ እንደነበር ታውቋል፡፡

ቀደምሲል በዚሁ ተግባራቸው ከአካባቢው ማህበረሰብ ተቃውሞ ይገጥማቸው እንደነበረ ቢታወቅም በሂደት እውቅና እየገኙ መሄዳቸውና ከሀገሪቱ በርካታ የአካባቢ ጥበቃ ሽልማቶችን ማግኘታቸውንም ነው ዘገባው የሚያመለክተው፡፡

እንደ አውሮፓዊያኑ አቆጣጠር ጥር 18 ቀን 2019 ዓ.ም በ96 ዓመታቻው ከዚህ ዓለም በሞት የተሉዩ ሲሆን÷ በዚሁ ተግባራቸው ዘወትር እንደሚታወሱ ተገልጿል፡፡

ምንጭ፡- ኦዲቲሴትራል ዶት ኮም

You might also like
Comments
Loading...