Fana: At a Speed of Life!

መድሐኒትን የሚተኩ ዘረ መላቸው የተሻሻሉ ዶሮዎች

አዲስ አበባ፣ ጥር 20፣ 2011 (ኤፍ.ቢ.ሲ) በየዕለቱ አዳዲስ ግኝቶች ይፋ የሚደረጉበት ለሰው ልጆች ጥቅም የበኩላቸውን የሚያበረክቱበት ወቅት ላይ እንገኛለን።

በስኮትላንድ ምድር በ14ኛው ክፍለ ዘመን ከተመሰረቱትና ጥንታዊ ከሚባሉ ስድስት ዩኒቨርስቲዎች መካከል የሆነው ኤደንበርግ ዩኒቨርስቲም ከሰሞኑ አንድ ግኝት ይፋ አድርጓል።

ቢቢሲ በጤና አምዱ ላይ ዛሬ ይዞት የወጣው ዜና ትንሽ አስገራሚ ነው፡፡

“ዘረ መላቸው የተሻሻሉ መድሐኒት የሚጥሉ ዶሮዎች” በሚል ርዕስ ነው የኤደንበርግ ዩኒቨርስቲን አዲስ ግኝት ይፋ ያደረገው።

ዶሮዎቹ የሚጥሉት እንቁላል ለሰው ልጆች ጠቃሚ የሆነ በፕሮቲን ንጥረ ነገር በእጅግ የበለጸገ ነው ተብሏል።

እንዲሁም በዓመት እስከ 300 እንቁላል መጣል የሚችሉ ሲሆን፥ ዶሮዎቹ ክሎን የማይደረጉ መሆናቸውም ተገልጿል።

ዶሮዎቹ ሁለት ዓይነት አገልግሎት የሚሰጡ ሲሆን፥ አንደኛው ጉዳት የደረሰባቸውን ህዋሳት ይጠግናል ሌላኛው ደግሞ የሰውነት የመከላከል አቅምን የሚገነባ ነው ተብሏል፡፡

ግኝቱ በተለይም ካንሰርን ከማከም አንጻር ከፍተኛ ተስፋ የተጣለበት ሲሆን፥ በሐኪም ቤት ለካንሰር የሚታዘዙ መድሐኒቶችን ይተካል ተብሎለታል።

ግኝቱ ከመውጣቱ በፊት ለረዥም ጊዜ ሙከራ ላይ የነበረ ሲሆን፥ ብዙ መሻሻሎች ከተደረጉበት በኋላ ነው ዛሬ ተመራማሪዎቹ ይፋ ያደረጉት፡፡

 

ምንጭ፦ቢቢሲ

በአብርሃም ፈቀደ

You might also like
Comments
Loading...