Fana: At a Speed of Life!

ለልጆቿ ዓለምን ለማስጎብኘት ቤት ንብረቷን የሸጠችው እናት

አዲስ አበባ፣ ታህሳስ 25፣ 2011 (ኤፍቢሲ) ሁለት ሴት ልጆቿን የዓለምን የተለያዩ ክፍሎች ለማስጎብኘት ስራዋን በማቋረጥ ቤት ንብረቷን የሸጠችው እናት አነጋጋሪ ሆናለች።

ጊሊያን የተባለቸው የ33 ዓመቷ ስኮትላንዳዊ እናት በዓለም ላይ የሚገኙ የተለያዩ አስደናቂ ገፅታዎችን ለሁለት ሴት ልጆቿ ለማስጎብኘት ቤትና ንብረቷን መሸጧ ተነግሯል፡፡

ጊሊያን  የስድስት ዓመቷን ኢስላ እና የሁለት ዓመቷን ማዲያ ከሰፊው የዓለም  ክፍል ጋር ለማስተዋወቅ  የምትወደውን የህክምና ስራ አቋርጣለች፡፡

ልጆችን የማሰጎብኘቱ ዓላማም በዓለም ላይ የሚገኙ የተለያዩ ድርጊቶችንና የተፈጥሮ ገፅታዎችን በመመልከት ጥሩ የህይወት ተሞክሮ እንዲኖራቸው ለማስቻል  መሆኑን ጊላን ተናግራለች።

ልጆች ትምህርት ቤት ገብተው ከሚማሩት የክፍል ውስጥ ትምህርት በተጨማሪም በዕውኑ ዓለም ላይ ያለውን ሁኔታ በቅርበት መገንዘብ እንዳለባቸው ገልፃለች።

እንደ ጊላን ገለፃ ልጆቹ ነባራዊ ዕውነታውን በተግባር ከተመለከቱ በኋላም በክፍል ውስጥ የሚሰጡ የተለያዩ ንድፍ ሃሳቦችን በቀላሉ ለመረዳት ያስችላቸዋል።

በዚህ መሰረትም  የልጆቿን የወደፊት ህይወት የሰመረ ለማድረግ የምትወደውን ስራ ከማቋረጥ ባለፈ የምትኖርበትን ቤት መሸጧ በህይወቷ የወሰነቸው ትክክለኛ ውሳኔ መሆኑን ተናግራለች።

 

ምንጭ ፦ዘሰን

You might also like
Comments
Loading...