Fana: At a Speed of Life!

ለሁለት ቀናት ጫካ ውስጥ የተሰወረው ህፃን ከድብ ጋር ማሳለፉ ተናገረ

አዲስ አበባ፣ ጥር 20፣ 2011 (ኤፍ.ቢ.ሲ) በአሜሪካ ሰሜን ካሮላይና ግዛት ውስጥ ለሁለት ቀናት ያህል ጫካ ውስጥ የተሰወረው ህፃን ከድብ ጋር ነበርኩ ማለቱ ተሰማ።

ታዳጊው ኬሲይ ሊያን ይባላል፤ በወቅቱ በቅደመ አያቱ ቤት ከታናሽ እህቱና ከሌላ ጓደኛው ጋር እየተጫወተ እንደነበር ተነግሯል።

በመጨረሻም ሁለቱ ታዳጊዎች ወደ ቤት ሲመለሱ ኬሲይ ግን በዚያው ጭልጥ ብሎ መቅረቱ ነው የተገለጸው።

ጉዳዩ ያሳሰባቸው ቅድመ አያትም ነገሩ አላምር ሲላቸው ሌሎች ቤተሰቦችን ጨምረው ለ45 ደቂቃ ያህል ፍለጋ አካሄዱ፡፡

ሆኖም የኬሲይ ድምጽ ሊሰማ አልቻለም የፍለጋው ያለመሳካት ተከትሎም ወደ 911 ደውለው ሁኔታውን አሳወቁ፡፡

በኋላም የአሜሪካ የምርመራ ቢሮ ኤፍ ቢአ ይ፣ የግዛቱ ኃላፊዎች እና 600 የሚደርሱ በጎ ፍቃደኞች ተጨምረው ኬሲይን ማሰስ ጀመሩ።

ከ48 ሰዓታት ፍለጋ በኋላ መሆኑ ነው አንድ ግለሰብ የኬሲይን ለቅሶ ሰምቶ ለፖሊስ አመለከተ፡፡

ፖሊስም ጥቆማውን ተከትሎ ለቅሶ ተሰማበት ወደ ተባለበት የጫካ ክፍል ሲሄድ ኬሲይን ማግኘት መቻሉን ይፋ አድርጓል።

የኬሲይ መገኘት ተከትሎ እናትዬው ልጇ ፊቱ ላይ በትንሹ በድብ የመቧጨርና ሰውነቱ ረጥቦ ከመገኘቱ በስተቀር በመልካም ጤንነት ላይ እንደሚገኝ ገልጻለች።

ኬሲይ ለፖሊሶች በሰጠው ቃል በተሰወረበት ወቅት ከድብ ጋር እየተጫወተ እንደነበር ገልጿል።

አክስቱም የታዳጊውን መገኘት ተከትሎ ገጿ ላይ እንዳሰፈረችው ፈጣሪ የኬሲይን ደህንነትና ሰላም ሲጠብቅ ድብ እንደላከለት ተናግራለች።

በአሁኑ ወቅት በጫካ ውስጥ ለሁለት ቀናት ከድብ ጋር እየተጫወትኩ አሳልፌያለው ያለው ኬሲይ የሆስፒታል ክትትሉን አጠናቆ ወደ ቤተሰቦቹ መመለሱ ተገልጿል።

 

ምንጭ፦ዘጋርዲያን

በአብርሃም ፈቀደ

You might also like
Comments
Loading...