Fana: At a Speed of Life!

100 ሚሊየን የኮራ ድረ ገጽ ተጠቃሚዎች ለመረጃ በርባሪዎች ተጋልጠዋል

አዲስ አበባ፣ ህዳር 25፣ 2011 (ኤፍ.ቢ.ሲ) 100 ሚሊየን የኮራ ድረ ገጽ ተጠቃሚዎች ለመረጃ በርባሪዎች መጋለጣቸው ተገልጿል።

ድረ ገጹ ደንበኞች በጥያቄና መልስ መልኩ መረጃዎችን በመለዋወጥ የእውቀት አድማሳቸውን ለማስፋት የሚጠቀሙበት ሲሆን፥ ለመረጃ በርባሪዎች ጥቃት መጋለጡ ተነግሯል።

ኩባንያው ከዚህ የበለጠ ጉዳት በደንበኞቹ ላይ እንዳይደርስ ደንበኞቹ የበኩላቸውን ጥንቃቄ እንዲያደረጉ መልዕክት ማስተላለፉም ነው የተገለጸው።

ለጊዜው ደንበኞች ኢሜል፣ የይለፍ ቃል እንዲሁም ከሌሎች ከበይነ መርብ የተሰበሰበቡ መረጃዎች ከመጠቀም መቆጠብ እንዳለባቸውም አሳስቧል ተብሏል።

ድረ ገጹ ከፈረንጆቹ 2009 ጀምሮ ደንበኞቹ በጥያቄና መልስ መረጃዎችን ሲለዋወጡበት የቆየ ሲሆን፥ ማሪዮት ኢንተርናሽና ሆቴል ዳታ ቤዝ ላይ ጥቃት ከተፈጸመ ከቀናት በኋላ ኮራ ድረ ገጽ ለመርጃ ብርበራ ጥቃት መጋለጡ ተገልጿል።

ቀደምሲል ማሪዮት ኢንተርናሽና ሆቴል ዳታ ቤዝ ላይ በተፈጸመ የመረጃ ጥቃት የደንበኞቹ የክፍያ መረጃዎችን ጨምሮ ሌሎች ግላዊ መረጃዎች መበርበራቸውን ዘገባው አስታውሷል።

አሁን ላይ ኮራ ድረ ገጽ ኩባንያ ችግሮችን በማጣራት ላይ ሲሆን፥ የአገልግሎት አሰጣጡን ለማሻሻል እንደሚሰራም አስታውቋል።

ምንጭ፦ አል ጀዚራ

You might also like
Comments
Loading...