Fana: At a Speed of Life!

10 ሺህ ሰዎች የታደሙበት የቡና ጠጡ ስነ ስርዓት በመስቀል አደባባይ ተካሄደ

አዲስ አበባ፣ ህዳር 27፣ 2011 (ኤፍ.ቢ.ሲ) በአዲስ አበባ የሚከበረውን 13ኛው የብሄር ብሄረሰቦች በዓልን በማስመልከት በመስቀል አደባባይ የቡና ጠጡ ስነ ስርዓት እየተከናወነ ይገኛል።

የኢትዮጵያ ብሄራዊ ሀብት የሆነውን ቡናን ለማስተዋወቅ ዓላማ ባደረው የቡና ጠጡ ስነ ስርዓቱ ላይም 10 ሺህ ሰዎች እየታደሙበት ይገኛሉ።

የቡና ጠጡ ስነ ስርዓቱም “ኑ ለሰላም ቡና እንጠጣ” በሚል መሪ መልእክት ነው በመካሄድ ላይ የሚገኘው።

የቡና ጠጡ ስነ ስርዓቱ ላይም የአዲስ አበባ ከተማ አስተዳደር ከፍተኛ የስራ ሀላፊዎች፣ ወደ አዲስ አበባ የገቡ የብሄር ብሄረሰቦች ተወካዮች እና የከተማዋ ነዋሪዎችም እየተሳተፉበት ይገኛሉ።

10 ሺህ ሰው እየተሳተፈበት የሚገኘውን የቡና ማፍላት ሥነ-ሥርዓቱን በጊነስ ወርልድ ቡክ ኦፍ ሪከርድስ ላይ ለማስመዝገብ ጥረት እንደሚደረግም ታውቋል።

You might also like
Comments
Loading...