Fana: At a Speed of Life!

1 ነጥብ 5 ሚሊየን ዶላር የወጣበት የፊት ንቅለ ተከላ

አዲስ አበባ፣ ህዳር 24፣ 2011 (ኤፍ.ቢ.ሲ) በዩናይትድ ስቴትስ ካልፎርኒያ ግዛት የአንድ ግለሰብን የፊት ንቅለ ተከላ ለማከናወን 1 ነጥብ 5 ሚሊየን ዶላር መፍጀቱን የህክምና ማዕከሉ አስታወቀ፡፡

ካሜሮን ሀንደርውድ የተባለው የ26 ዓመት ወጣት በድብርት ምክንያት በሚከሰት ችግር ከሁለት ዓመት በፊት ራሱን ለማጥፋት ይሞክራል፡፡

ሆኖም አትሙቺ ያላት ነፍስ ሆኖ ከአገጩ በታች የተኮሰው ጥይት እንዳሰበው ህይወቱን እንዲሰናበት አልፈቀደችለትም፡፡

በርግጥ ካሜሮን በአደጋው ምክንያት አፍንጫውን፣ አገጩን፣ ጥርሶቹን እና የዓይኖቹ ማረፊያ አጥንቶች አጥቷል፡፡

ከአምስት ወራት በኋላም በጊዜያዊነት ከደረሰበት ቁስለት አገግሞ ከወጣ በኋላ የተሻለ ህክምና ለማግኘት በመጠባበቅ ላይ ነበር፡፡

በመጨረሻም ከ23 ዓመት ወጣት የፊልም ባለሙያ በተበረከተ ፊት ንቅለ ተከላ ለማካሄድ በቅቷል፡፡

ካሜሮን ንቅለ ተከላ ውጤት ሙሉ ለሙሉ ይፋ ከሆነ በኋላ በሰጠው ቃለምልልስ አሁን ላይ ቀድሞ ይሰራቸው የነበሩ ተግባራትን ማከናወን መጀመሩን ገልጿል፡፡

የህክምና ወጪውንም ከኢንሹራንስ እንዲሁም የሀገሪቱ መከላከያ መስሪያ ቤትና ሌሎች መሸፈናቸው ተነግሯል፡፡

 

ምንጭ፦ፎክስ

በአብርሃም ፈቀደ

 

You might also like
Comments
Loading...