Fana: At a Speed of Life!

ፕሬዚዳንት ትራምፕ የአሜሪካ ወታደሮችን ከሶሪያ የማስወጣት እቅዳቸውን አራዘሙ

አዲስ አበባ፣ ታህሳስ 22፣ 20111 (ኤፍ.ቢ.ሲ) ፕሬዚዳንት ዶናልድ ትራምፕ የአሜሪካ ወታደሮችን ከሶሪያ የማስወጣት እቅዳቸውን ማራዘማቸው ተገለፀ፡፡

ፕሬዚዳንት ትራምፕ ቀደም ሲል የአሜሪካ ወታደሮችን ከሶሪያ እንደሚያስወጡ የገለጹ ሲሆን÷ አሁን ላይ ይህን እቅዳቸውን ማራዘማቸው ነው የተነገረው፡፡

የአሜሪካ ከፍተኛ የህግ መወሰኛ ምክር ቤት አባል ሊንሲ ግርሃም እንደገለጹት÷ ትራምፕ ባሳለፍነው እሁድ በነበራቸው ስብሰባ የአሜሪካ ወታደሮችን ከሶሪያ የማስወጣት እቅዳቸውን ማራዘማቸውን አረጋግጠዋል፡፡

የፕሬዚዳንቱ ወታደሮችን ከሶሪያ የማስወጣት እቅድ ከሜሪካ አጋር ሀገራትና እንደ ሚስተር ግርሃም ካሉ ከፍተኛ የሪፐብሊካን የህግ መወሰኛ ምክር ቤት አባላት ትችት እንዳስከተለባቸው ይነገራል፡፡

ፕሬዚዳንት ትራምፕ 2 ሺህ ያህል ወታደሮቻቸውን ከሶሪያ የማስወጣት እቅድ እንዳላቸው መግለፃቸው ይታወሳል፡፡

ፕሬዚዳንቱ በአካባቢው የአይ ኤስ አይ ኤስ ታጣቂዎች ተዳክመዋል በሚል ወታደሮችን ከስፍራው የማስወጣት እቅዳቸውን መግለጻቸውን ተከትሎ፥ ውሳኔው ቡድኑ እንደገና እንዲያንሰራራ የሚያደርግና የሀገሪቱን ደህንነት ስጋት ላይ የሚጥል ነው በሚል ተቃውሞ ገጥሞታል።

ወታደሮቹ በሰሜን ምስራቅ ሶሪያ አይ ኤስ መሽጎባቸው በነበሩት አካባቢዎች መጠነ ሰፊ ዘመቻ ቢያካሂዱም÷በሌሎች ኪስ አካባቢዎች የአሸባሪው ቡድን አባላት አሁንም እንዳሉ ተነግሯል፡፡

በዚህም የአሸባሪው ቡድን አባለት እስከሚደመሰሱ ወታደሮቹ በዚያው እንዲቆዩ ትራምፕ ቃል ገብተዋል ተብሏል፡፡

ጉዳዩን በተመለከተ ግን እስካሁን ድርሰ ከኋይት ሀውስ የተባለ ነገር የለም።

ምንጭ፡- ቢ ቢ ሲ

You might also like
Comments
Loading...