Fana: At a Speed of Life!

ፑቲን አሜሪካ በቀዝቃዛው ጦርነት ወቅት ከተደረሰው ስምምነት ከወጣች ሩሲያ ሚሳዔል ማበልጽግ ትጀምራለች ሲሉ አስጠነቀቁ

አዲስ አበባ፣ ህዳር 26፣ 2011 (ኤፍ.ቢ.ሲ) የሩሲያው ፕሬዚዳንት ቭላድሚር ፑቲን አሜሪካ በቀዝቃዛው ጦርነት ወቅት ከተደረሰው የስምምነት ማዕቀፉ የምትወጣ ከሆነ ሀገራቸው ሚሳዔል ማበልጸግ ልትጀምር ትችላለች ሲሉ አስጠነቀቁ፡፡

ፑቲን ይህንን ያስታወቁት በትናንትናው ዕለት ከሰሜን ጦር ቃልኪዳን ሀገራት (ኔቶ) በኩል ወቀሳ ከተሰነዘረባቸው በኋላ ነው ተብሏል፡፡

ኔቶ በመግለጨጫው ሩሲያ ከዚህ ቀደም ጥቅም ላይ እንዳይውሉ ስምምነት የደረሰችባቸውን የመካከለኛ ርቀት የኒውክሌር ስምምነቶችን አላከበረችም ሲል ድምጹን አሰምቷል፡፡

ሆኖም ፕሬዚዳንት ፑቲን ወቀሳው አሜሪካ ከስምምነቱ እንድትወጣ ምቹ ምክንያት ለመፍጠር ያለመ ነው ሲሉ ምላሽ ሰጥተዋል፡፡

ፕሬዚዳንት ዶናልድ ትራምፕ ከዚህ ቀደም ከስምምነቱ እንደሚወጡ ማስታወቃቸው የሚታወስ ሲሆን፥ ለዚህም እንደምክንያት ያቀረቡት ሩሲያ ከዚህ ቀደም በተደረሱ ስምምነቶች ዙሪያ ባላት አቋም መሆኑን ገልጸዋል፡፡

የኔቶ አባል ሀገራት በመግለጫቸው የአሜሪካንን ወቀሳ እንደሚጋሩት ጠቅሰው፥ ሩሲያ ከድርጊቷ በመታቀብ ስምምነቱን እንድታከብር አሳስበዋል፡፡

የአሜሪካ የውጭ ጉዳይ ሚኒስትር ማይክ ፖምፔዮ በበኩላቸው ሩሲያ በ60 ቀናት ውስጥ ወደ ስምምነቱ ካልተመለሰች ሀገራቸው የራሷን አቋም ትወስዳለች ሲሉ አስጠንቅቀዋል፡፡

የመካከለኛ ርቀት የኒውክሌር የጦር መሳሪያ ስምምነት በአሜሪካና በቀድሞ ሶቬይት ህብረት መካከል በ1987 የተደረሰ ስምምነት መሆኑ ይታወሳል፡፡

 

ምንጭ፦ቢቢሲ

በአብርሃም ፈቀደ

You might also like
Comments
Loading...