Fana: At a Speed of Life!

ፎርብስ መፅሄት ፕሬዚዳንት ሳህለወርቅን የ2018  100 ተፅእኖ ፈጣሪ ሴቶች ዝርዝር ውስጥ አካተተ

አዲስ አበባ፣ ህዳር 27፣ 2011 (ኤፍ.ቢ.ሲ) ፎርብስ መፅሄት የኢፌዴሪ ፕሬዚዳንት ሳህለወርቅ ዘውዴን የፈረንጆቹ 2018 ዓመተ ምህረት 100 ተፅእኖ ፈጣሪ ሴቶች ዝርዝር ውስጥ አካተተ።

መፅሄቱ ፕሬዚዳንት ሳህለወርቅ ዘውዴ በአሁኑ ወቅት በአፍሪካ ብቸኛዋ ሴት ርዕሰ ብሄር መሆናቸውን አንስቷል።

በቅርቡ ፕሬዚዳንቷ ሲመረጡ ለሀገራቸው ፓርላማ የሴቶች ድምፅ ሆነው እንደሚሰሩ እና ለሰላም ትኩረት እንደሚሰጡ መናገራቸውን አስታውሷል።

ለዓመታት በተባበሩት መንግስታት ድርጅት ያገለገሉት እና የምንጊዜም ዲፕልማት ብሎ የጠራቸው ሳህለወርቅ ዘውዴ ፕሬዚዳንት ሆነው መመረጥ በኢትዮጵያ ለፆታ እኩልነት መስፈን ተምሳሌታዊ መሆኑንም ነው የጠቆመው።

ከፕሬዚዳንት ሳህለወርቅ ዘውዴ ጋር የጀርመኗ መራሂተ መንግስት አንጌላ ሜርክል፣ የብሪታኒያ ጠቅላይ ሚኒስትር ቴሬዛ ሜይ፣ የዓለም አቀፉ የገንዘብ ተቋም አይ ኤም ኤፍ ሀላፊ ክርስቲን ላጋርድ፣ ኦፕራ ዊንፍሬይን ጨምሮ ፖለቲከኛ፣ የንግድ ሰው፣ ምሁራን እና ስፖርተኞች የተካተቱበት ነው ዝርዝሩ።

ፕሬዚዳንቷ በዘንድሮው ዝርዝር ውስጥ የተካተቱ ብቸኛ አፍሪካዊትም ናቸው።

You might also like
Comments
Loading...