Fana: At a Speed of Life!

ፍርድ ቤቱ ፓሊስ በኮሎኔል ሰጠኝ ካህሳይና አቶ አለም ፍፁም ላይ የጠየቀውን የ14 ቀን የምርመራ ጊዜ ፈቀደ

አዲስ አበባ ህዳር 25፣2011 (ኤፍ.ቢ.ሲ) ፍርድ ቤቱ ኮሎኔል ሰጠኝ ካህሳይና በአለም ገነት ቆርቆሮ ፋብሪካ ባለቤት አቶ አለም ፍፁም ላይ ፖሊስ የጠየቀዉን የ14 ቀን የምርመራ ጊዜ ፈቀደ።

ተጠርጣሪዎቹ በዛሬው እለት በፌደራሉ ከፍተኛ ፍርድ ቤት ልደታ ምድብ 10ኛ የወንጀል ችሎት ነው የቀረቡት።

ኮሎኔል ካህሳይ ሰጠኝ ከዚህ በፊት የብርጋዴር ጄኔራል ሀድጎ ገብረ-ጊወርጊስን ሰነድ አሽሽተዋል ተብለዉ ተጠርጥረዋል።

በትላንትናዉ እለት ደግሞ ከ15 ሚሊየን ብር በላይ የሆነን የጦር መሳሪያ እቃን ያላግባብ ግዥ በመፈፀም የህዝብና የመንግስትን ገንዘብ ያላግባብ አባክነዋል የሚል ማስረጃ መገኘቱን ፖሊስ መግለፁን ተከትሎ ነዉ ፍርድ ቤቱ የ14  ቀን የፈቀደዉ ።

በተመሳሳይ ያላግባብ በተከናወነ የፋብሪካና የሆቴል ሽያጭ የተጠረጠሩት አቶ አለም ፍፁም ላይ ፖሊስ ከልማት ባንክ ፣የኦዲት ሰነድ እና ሌሎች የብድር ውል ሰነዶችን ለማቅረብ በመጠየቁ ፍርድ ቤቱ የ14 ቀን ጊዜ ፈቅዷል።

ፍርድ ቤቱ የፈቀደው ቀን ከትላንት ጀምሮ እንደሚቆጠርና  ለታህሳስ 4 2011 ዓ.ም ተለዋጭ ቀጠሮ የሰጠ ሲሆን፥ ፖሊስ ቀረኝ የሚለዉን የምርመራ ስራ አጠናቆ እንዲያቀርብም ትእዛዝ ሰጥቷል።

በታሪክ አዱኛ

You might also like
Comments
Loading...