Fana: At a Speed of Life!

ፍርድ ቤቱ በጋዜጠኛ ፍፁም የሺጥላ እና ትዕግስት ታደሰ ላይ የ8 ቀናት የምርመራ ጊዜ ፈቀደ

አዲስ አበባ፣ ህዳር 28፣ (ኤ.ፍ.ቢ.ሲ) ፍርድ ቤቱ በሙስና ወንጀል በተጠረጠሩት ጋዜጠኛ ፍፁም የሺጥላ፣ ትዕግስት ታደሰ እና ቸርነት ዳና ላይ የ8 ቀናት ተጨማሪ የምርመራ ጊዜ ፈቀደ።

የፌደራሉ ከፍተኛ ፍርድ ቤት ልደታ ምድብ 10ኛ የወንጀል ችሎት በዛሬው ዕለት በሙስና ወንጀል የተጠረጠሩትን ጋዜጠኛ ፍፁም የሺጥላ፤ ትዕግስት ታደሰና ቸርነትን ዳናን ጉዳይ ተመልክቷል።

ችሎቱ በትናንት ውሎው በተጠርጣሪዎቹ ላይ ፖሊስ ያቀረበባቸውን በርካታ የምርመራ ስራዎች ማድመጡ ይታወሳል።

በዛሬው ችሎትም ፖሊስ ለተጨማሪ ምርመራ የ14 ቀናት ጊዜ እንዲሰጠው ፍርድ ቤቱን ጠይቋል።

የተከሳሽ ጠበቆች በበኩላቸው የተጠርጣሪዎቹ የዋስትና መብት እንዲጠበቅላቸው ፍርድ ቤቱን ጠይቀዋል።

የግራ ቀኙን ክርክር ያዳመጠው ፍርድ ቤቱ ፖሊስ ለተጨማሪ ምርመራ የጠየቀውን የ14 ቀን ጊዜ ተገቢ አለመሆኑን በመግለፅ የስምንት ቀናት ተጨማሪ የምርመራ ጊዜ ፈቅዷል።

በሌላ በኩል ፍርድ ቤቱ በተከሳሽ ጠበቆች በኩል የቀረበውን የዋስትና ጥያቄ ውድቅ ማድረጉ ነው የተገለፀው።

በዚህ መሰረትም ፍርድ ቤቱ የተጠርጣሪዎቹን ጉዳይ ለመመልከት ለታህሳስ 5 ቀን 2011 ዓመተ ምህረት ተለዋጭ ቀጠሮ ሰጥቷል።

 

 

በአወል አበራ

 

You might also like
Comments
Loading...