Fana: At a Speed of Life!

ጠ/ሚ ዶ/ር ዐቢይ አሕመድ በቀድሞ ፕሬዚዳንት ህልፈት የተሰማቸውን ሐዘን ገለጹ

አዲስአበባ፣ ታህሳስ 6፣ 2011(ኤፍ.ቢ.ሲ) የኢፌዴሪ ጠቅላይ ሚኒስትር ዶክተር አብይ አህመድ በቀድሞ ፕሬዚዳንት ዜና እረፍት የተሰማቸውን ሀዘን ገለጹ፡፡
 
ጠቅላይ ሚኒስትር አብይ ከ1994 እስከ 2006 ዓም የኢፌዲሪ ፕሬዚዳንት በመሆን ያገለገሉት ግርማ ወልደ ጊዮርጊስ በማረፋቸው በኢፌዴሪ መንግሥት እና በራሴ ስም የተሰማኝን ጥልቅ ኀዘን ለመግለጽ እወዳለሁ ብለዋል።
 
ፕሬዚዳንት ግርማ ወልደ ጊዮርጊስ የኢፌዲሪ መንግሥትን በፕሬዚዳንትነት ያገለገሉ፣ በልዩ ልዩ ኃላፊነት ለሀገራቸው ረዥም ዘመን የሠሩ፣ በዕውቀታቸውና በሞያቸው ለሕዝባቸው የበጎ ፈቃድ አገልግሎት የሰጡ፣ የታታሪነት፣ የቅንነትና፣ የሕዝባዊ አገልግሎት ሰጭነት ተምሳሌት እንደነበሩም አስታውሰዋል።
 
ጠቅላይ ሚኒስትሩ ባስተላለፉት የሐዘን መልዕክት በፕሬዚዳንት ግርማ ወልደ ጊዮርጊስ ዕረፍት ለቤተሰቦቻቸውና ለመላው የኢትዮጵያ ሕዝብ መጽናናትን እመኛለሁ ብለዋል።
 
መንግሥታዊ የቀብሩን ሥነ ሥርዓት የሚያስፈጽም ኮሚቴ የተቋቋመ ሲሆን፥ በቅርቡ አስፈላጊውን መግለጫ እንደሚሰጥም ከጠቅላይ ሚኒስትር ጽህፈት ቤት ያገኘነው መረጃ ያመለክታል፡፡
You might also like
Comments
Loading...