Fana: At a Speed of Life!

ጎግልየጎርፍ አደጋ ቅድመ ማስጠንቀቂያ ለመስጠት ተዘጋጅቷል

አዲስ አበባ፣ ታህሳስ 19፣ 20111 (ኤፍ.ቢ.ሲ) ግዙፉ የቴክኖሎጂ ኩባንያ ጎግል የጎርፍ ቅድመ ማስጠንቀቂያ ለመስጠት ዝግጅት ማድረጉን አስታወቀ።

ኩባንያው በመስከረም ወር የጎርፍ ቅድመ ማስጠንቀቂያ መስጠት የሚያስችል የሙከራ ፕሮጀክት በምስራቅህንድ አድርጎ ነበር።

በዚህ ሙከራም እጅግ ዘመናዊ የሆነ መሳሪያ በመጠቀም በቀላል የጽሁፍ መልዕክት ለህብረተሰቡ የጎርፍ ቅድመ ማስጠንቀቂያ መስጠት እንደሚቻል ልምድ ተገኝቷል ተብሏል፡፡

አሁን ላይም ጎግል የወንዞችን የውሃ መጠን በመከታተል ለህብረተሰቡ የቅድመ ማስጠንቀቂያ መልዕክት ለመላክ መዘጋጀቱን አስታውቋል።

ይህ ማስጠንቀቂያም ህብረተሰቡ ከሚከሰት የጎርፍ አደጋ ራሱን እንዲከላከል ለማስቻል ያለመ ነው ተብሏል።

ህንድ በአለም አቀፍ ደረጃ ከሚከሰት ጎርፍ 20 በመቶው የሚከሰትባት ሀገር መሆኗን መረጃዎች ያመለክታሉ፡፡

በአሁኑ ወቅት የጎርፍ አደጋን ለመተንበይ የሚረዱ አዳዲስ ቴክኖሎጂዎችና አሰራሮች ወደ ስራ እየገቡ እንደሆነ ይነገራል።

የሀገሪቱ የውሃ ሀብት ሚኒስቴር ከጎግል ጋር እየተሰራ ያለው ስራ የጎርፍ አደጋ ለመቆጣጠር የሚደረገውን ጥረት ያግዛል ብሏል፡፡

ምንጭ፡-indianexpress

You might also like
Comments
Loading...