Fana: At a Speed of Life!

ጅማ ዩንቨረሲቲ ጠ/ሚ ዶክተር አብይና ሌሎች ከፍተኛ የመንግስት የስራ ሀላፊዎች በተገኙበት የሜዲካል ማዕከሉን ነገ ያስመርቃል

አዲስ አበባ፣ ህዳር 28፣ 2011 (ኤፍ.ቢ.ሲ) ጅማ ዩንቨረሲቲ ጠ/ሚ ዶክተር አብይ ዐህመድ እና ሌሎች ከፍተኛ የመንግስት የስራ ሀላፊዎች በተገኙበት የሜዲካል ማዕከሉን ነገ እንደሚያስመርቅ ተገልጿል።

የሜዲካል ማዕከሉ 8መቶ መኝታ ክፍሎች ያሉት ሲሆን፥ በደቡብ ምዕራብ የሀገሪቱ ክፍል ከ20 ሚሊየን በላይ ሰዎች የህክምና አገልግፍሎት ለመስጠት የሚያስችል ነው ተብሏል።

ማዕከሉ እንደ ደቡብ ሱዳን ላሉ ጎረቤት ሀገራትም አገልግሎት ለመስጠት ታሳቢ ተደርጎ የተገነባ መሆኑ ተነግሯል።

ዩንቨርሲቲው ያስገነባው ይህ የሜዲካል ማዕከል በጤናው ዘርፍ የምርምር፣ የማስተማሪያ፣ እንዲሁም የማህበረሰብ አገልግሎቶችን ለመስጠት የሚያስችል መሆኑም ነው የተገለጸው።

ዩንቨርሲቲው በዕለቱ 331 የህክምና እጩ ምሩቃን እና በተለያዩ መስኮች ትምህርታቸውን ሲከታተሉ የቆዩ 2ሺህ የድህረ ምርቃ ፕሮግራም ተማሪዎችን እንደሚያስመርቅም ታውቋል።

በተመሳሳይ መልኩ ዩንቨርሲቲው ያስገነባው 40 ሺህ ያህል ተመልካቾችን ማስተናገድ የሚችለው ስታዲየም፣ ሲቭክ አዳራሽ፣ መንገዶችና ሌሎች የመሰረተ ልማት ስራዎች ይመረቃሉ ተብሏል።

ሲቪል አደራሹ በርካታ ተሰብሳቢዎችን በአንዴ የሚያስተናግድና የተለያዩ ኮንፈረንሶችን በተመሳሰይ ጊዜ ለማካሄድ የሚያስችሉ የተለያዩ ክፍሎች እንዳሉትም ተነግሯል።

የሲቪክ አደራሹ ከተማዋን የኮንፈረንስ ማዕከል ለማድረግ ታሳቢ ተደርጎ የተገነባ ስለመሆኑም ነው የተገለጸው።

በብዙዓለም ቤኛ

You might also like
Comments
Loading...