Fana: At a Speed of Life!

ጅማ አባ ጅፋር በኮንፌዴሬሽን ዋንጫ ሁለተኛ ዙር ከሞሮኮው አጋዲር ጋር ይጫወታል

አዲስ አበባ ፣ ታህሳስ 20 ፣ 2011 (ኤፍ ቢ ሲ) ጅማ አባ ጅፋር በአፍሪካ እግር ኳስ ኮንፌዴሬሽን ዋንጫ ሁለተኛ ዙር ከሞሮኮው ሃሳኒያ ዩ ኤስ አጋዲር ጋር ተደለደለ።

ትናንት በወጣው ድልድል በግብጹ አል አህሊ ከቻምፒየንስ ሊጉ የተሰናበተው ጅማ አባ ጅፋር፥ በኮንፌዴሬሽን ዋንጫ ወደ ምድብ ድልድል ለመግባት ከሞሮኮው ክለብ ጋር እንዲጫወት ተደልድሏል።

ከቻምፒየንስ ሊጉ አንደኛ ዙር የወደቁ 15 ክለቦችን፥ በኮንፌዴሬሽን ዋንጫው አንደኛውን ዙር ካለፉ ክለቦች ጋር የሚያገናኘው ይህ ዙር ወደ ምድብ ድልድሉ የሚገቡ ክለቦችን ይለያል።

ጅማ አባ ጅፋር የመጀመሪያ ጨዋታውን አዲስ አበባ ላይ ጥር 5 ቀን 2011 ዓ.ም የሚያደርግ ሲሆን፥ የመልሱን ጨዋታ ደግሞ ሞሮኮ አጋዲር ላይ ከሳምንት በኋላ ያደርጋል።

በደርሶ መልሱ ጨዋታ የሚያሸንፍ ከሆነም ወደ ምድብ ድልድሉ የሚገባ ይሆናል።

የሞሮኮው ክለብ በውድድሩ በአንደኛው ዙር የሴኔጋሉ ጄኔሬሽን ፉትን በአጠቃላይ ውጤት 2 ለ 1 በማሸነፍ ነበር ወደ ሁለተኛው ዙር ያለፈው።

 

ምንጭ፦ ሶከር ኢትዮጵያ

 

You might also like
Comments
Loading...