Fana: At a Speed of Life!

ደቡብ አፍሪካ በወጣት ሴቶች የበለጸገ ናኖሳተላይት ወደ ህዋ ላከች

አዲስ አበባ፣ ታህሳስ 22፣ 2011 (ኤፍቢሲ) ደቡብ አፍሪካ በአህጉሪቱ እጅግ በቴክኖሎጂ የበለጸገውን ናኖሳተላይት ወደ ህዋ መላኳን አስታወቀች፡፡

በአፍሪካውያንና በወጣት ሴቶች የበለጸገው ይህ ሳተላይት ሐሙስ ወደ ህዋ መምጠቁን ተገልጿል፡፡

ይህ በመጠኑ አነስተኛ ነው የተባለው ሳተላይት ዛክዩብ-2 እንደሚሰኝ ተናግረዋል፡፡

ሳተላይቱ በአካባቢው ያለውን የውቅያኖስ አካባቢ የኢኮኖሚ ሁኔታን ይቃኛል እንዲሁም በተገጠመለት ቴክኖሎጂም የመርከቦችን እንቅስቃሴ ይቆጣጠራል ተብሏል፡፡

በተጨማሪም የተፈጥሮና ሰውሰራሽ አደጋዎች በሚከሰቱበት ወቅት ስለሁኔታው መረጃ እንደሚሰጥም ገልጸዋል፡፡

የሳይንስና ቴክኖሎጂ ሚኒስትሯ ሳተላይቱ በአፍሪካውያን ወጣቶችና በሴቶች መበልጸግ በመቻሉ ደስተኛ መሆናቸውን ተናግረዋል፡፡

ዛክዩብ-2 ወደ ህዋ ያመራች ሁለተኛዋ የደቡብ አፍሪካ ሳተላይት መሆኗ ገልጸዋል፡፡

 

ምንጭ፦ሽንዋ

በአብርሃም ፈቀደ

You might also like
Comments
Loading...