Fana: At a Speed of Life!

የ71 ዓመቱ ፈረንሳዊ በበርሜል የአትላንቲክ ውቅያኖስን ሊያቋርጡ ነው

አዲስ አበባ፣ ታህሳስ 19፣ 20111 (ኤፍ.ቢ.ሲ) በሀይቅ፣ ባህርም ሆነ ውቅያኖስን ለመሻገር በእጅጉ የዘመኑና የተመቹ ጀልባዎች ይገኛሉ፡፡

ጃን ጃኩዬስ ሳቪን የተባሉት የ71 ዓመት አዛውንት ፈረንሳዊ ግን የዘመኑ መርከቦች በሚገኙበት በዚህ ወቅት ግዙፉን የአትላንቲከ ውቅያኖስ በበርሜል ለማቋረጥ ተዘጋጅተዋል፡፡

ግለሰቡ የአትላንቲክ ውቅያኖስን ለማቋረጥ ከስፔኗ ካናሪ ደሴት መነሻቸውን የሚያደርጉ ሲሆን በሶስት ወራት ውስጥ ካሪቢያን ለመድረስ አቅደዋል፡፡

ሞላላ ቅርጽ ያለውና ከበርሜል የተዘጋጀው ጀልባ መተኛ፣ ምግብ ማብሰያና ቋት (ማከማቻ) ያካተተ ነው ተብሏል፡፡

በበርሜል አትላንቲክን  የሚያቋርጡት ግለሰብ ለፎቶ ባለሙያዎች የሚረዳ ምልክት እያስቀመጡ ለመሄድ ማቀዳቸው ተነግሯል፡፡

እንዲሁም የጉዞውን ሂደት በየወቅቱ በፌስቡክ ለተከታታዮቻቸው እንደሚያደርሱም ነው የሚጠበቀው፡፡

ጃን ጃኩዬስ ሳቪን በአሁኑ ወቅት ያለው የአየር ሁኔታ የተመቸ መሆኑን ገልጸው፥ እስከ መጭው እሁድ ድረስ የንፋሱ ሁኔታ የተሻለ እንደሚሆንም ተናግረዋል።

በርሜሉ በተደጋጋሚ የሚያጋጥምን ማዕበል ለመቋቋም እንዲያስችል ሆኖ ተዘጋጅቷል ተብሏል፡፡

በርሜሉ 3 ሜትር ርዝመትና 2 ነጥብ 10 ሜትር ስፋት እንዲሁም 7 ጫማ ስፋት ያለው ክፍል እንዳለው ተነግሯል፡፡

በበርሜሉ ወለል መሀል ላይ የአሳዎችን እንቅስቃሴ ማሳየት የሚያስችል ክፍተት  እንደተዘጋጀለት ተጠቁሟል፡፡

ምንጭ፡-ቢቢሲ

You might also like
Comments
Loading...