Fana: At a Speed of Life!

የደቡብ አፍሪካ ፓርላማ የመሬት ማሻሻያ አዋጁን ደገፈ

አዲስ አበባ፣ ህዳር 26፣ 2011 (ኤፍ.ቢ.ሲ) የደቡብ አፍሪካ ፓርላማ በገዢው ፓርቲ የቀረበውን የመሬት ማሻሻያ አዋጅን መደገፉ ተሰማ፡፡

ፓርላማው ማሻሻያውን የደገፈው ያለካሳ ክፍያ መሬትን ከባለንብረቶች ለመውሰድ የቀረበውን ውሳኔ ህገመንግስቱ እንዲያካትተው በማጽደቁ ነው ተብሏል፡፡

ሆኖም ውሳኔውን ተከትሎ የሀገሪቱ ተቃዋሚ ፓርቲዎች ጉዳዩን ወደ ፍርድ ቤት ይዘው እንደሚሄዱ ተናግረዋል፡፡

አብዛኛው መሬት በጥቁር ደቡብ አፍሪካውያን ሳይሆን በቁጥር አነስተኛ በሆኑ ነጮች የተያዘ ሲሆን፥ ይህንንም ለመቀየር ፕሬዚዳንት ሲሪል ራማፎሳ ቆርጠው መነሳታቸው ይነገራል፡፡

ነገር ግን ተቃዋሚዎቹ ይህ ውሳኔ ኢንቨስተሮችን ስጋት ውስጥ እንዲወድቁ ያደርጋል እንዲሁም ንብረት የማፍራት መብትንም ይጥሳል በማለት ላይ ይገኛሉ፡፡

የነጮች ውክልና ያለው አፍሪፎረምም ባለፈው ሳምንት ፓርላማው ውሳኔውን እንዳያጸድቀው ጉዳዩን ፍርድ ቤት አቅርቦት የነበረ ቢሆንም ውድቅ እንደተደረገበት ይታወሳል፡፡

 

 

ምንጭ፦አልጀዚራ

በአብርሃም ፈቀደ

You might also like
Comments
Loading...