Fana: At a Speed of Life!

የውጭ ጉዳይ ሚኒስትር ዶ/ር ወርቅነህ ገበየሁ ከጣሊያን ምክትል የውጭ ጉዳይ ሚኒስትር ኢማኑኤላ ዲልሪ ጋር ተወያዩ

አዲስ አበባ፣ ህዳር 27፣ 2011 (ኤፍ.ቢ.ሲ) የኢፌዴሪ የውጭ ጉዳይ ሚኒስትር ዶክተር ወርቅነህ ገበየሁ ከጣሊያን ምክትል የውጭ ጉዳይ ሚኒስትር ኢማኑኤላ ዲልሪ ጋር ተወያዩ።

ዶክተር ወርቅነህ በኢትዮጵያ ጉብኝት በማድረግ ላይ ያሉትን የጣሊያን ምክትል የውጭ ጉዳይ ሚኒስትር ኢማኑኤላ ዲልሪ በጽህፈት ቤታቸው ነው ተቀብለው ያነጋገሩት።

በውይይታቸውም የውጭ ጉዳይ ሚኒስትር ዶክተር ወርቅነህ ገበየሁ፥ በኢትዮጵያ እና በጣሊያን መካከል ያለው የፖለቲካ ግንኙነት በኢኮኖሚ ትብብር መደገፍ እንደሚገባው ተናገግረዋል።

የጣሊያን ባለሀብቶች ኢትዮጵያ ውስጥ እንዲሰማሩ እና የሚካሄደውን የመሰረተ ልማት ግንባታም እንድትደግፍ ም ጥሪ አቅርበዋል።

በአፍሪካ ቀንድ የሰላምና መረጋጋት ጉዳዮች ላይ በጋራ መስራት ኢትዮጵያ ዝግጁ መሆኗንም ነው የውጭ ጉዳይ ሚኒስትሩ ዶክተር ወርቅነህ የተናገሩት።

ምክትል ሚኒስትሯ በበኩላቸው የጣሊያን መንግስት ለአፍሪካ ቀንድ ኢኮኖሚያው ውህደት ይደግፋል ማለታቸውን የውጭ ጉዳይ ሚኒስቴር ቃል አቀባይ ጽህፈት ቤት አስታውቋል።

You might also like
Comments
Loading...