Fana: At a Speed of Life!

የአሜሪካ ጦር በሶማሊያ ባካሄደው የአየር ጥቃት አራት የአልሻባብ ታጣቂዎች ተገደሉ

አዲስ አበባ፣ ህዳር 27፣ 2011 (ኤፍ.ቢ.ሲ) የአሜሪካ ጦር በሶማሊያ በካሄደው የአየር ጥቃት አራት የአልሻባብ ታጣቂዎች መገደላቸው ተገልጿል።

የአየር ጥቃቱ የአልሻባብ ቡድን በቅርቡ በሶማሊያ ለወሰደው የጥቃት እርምጃ የአጸፋ ምላሽ መሆኑም ተነግሯል።

በዚሁ ጥቃት አራት የአልሻባብ ታጣቂዎች ሲገደሉ፥ ንጹሃን ዜጎች ላይ ጉዳት ያለማድረሱንም የአሜሪካ የአፍሪካ ጦር አዛዥ ተናግረዋል።

በፈረንጆቹ ታህሳስ 4 ቀን 2011 ዓ.ም በሶማሊያ አውድሀሌ በተባለው አካባቢ የተካሄደው ይህ የአየር ጥቃት በአካባቢው የአልሻባብን እንቅስቃሴ ለማደከም ያስችላል ተብሏል።

ባለፉት ዓመታት አሜሪካ የሶማሊያ መንግስትና ሌሎች ከአልሻባብ ጋር የሚፋለሙ ሃይሎችን በመደገፍ በአልሻባብ ቡድን ላይ ተደጋጋሚ የአየር ጥቃት ስታካሂድ መቆየቷንም ዘገባው አስታውሷል።

ምንጭ፦ ሬውተርስ

You might also like
Comments
Loading...