Fana: At a Speed of Life!

የትዊተር ኃላፊ ስለማይናማር ያስተላለፈው መልዕክት ቁጣን ቀስቅሶበታል

አዲስ አበባ፣ ታህሳስ 1፣ 2011 (ኤፍ.ቢ.ሲ) የግዙፉ የማህበራዊ ሚዲያ ትዊተር ኃላፊ የሆነው ጃክ ዶርሴይ በትዊተር መልዕክቱ ማይናማርን የቱሪስት መዳረሻ አድርጎ በማንሳቱ ወቀሳ ተሰንዝሮበታል፡፡

ጃክ ባለፈው ወር ለመንፈሳዊ ጉብኝት ወይንም ለተመስጦ ወደ ሰሜናዊ ማይናማር ማቅናቱም ገልጿል፡፡

ማይናማር በአሁኑ ወቅት የተባበሩት መንግስታትን ጨምሮ በሀገራትና በዓለም አቀፍ ተቋማት ሮሂንጊያዎች ላይ የሰብዓዊ መብት ጥሰት አድርሳለች በሚል መከሰሷ ይታወቃል፡፡

ሆኖም ጃክ ይህንን ችላ በማለት አራት ሚሊየን ለሚሆኑ ተከታዮቹ ሀገሪቷን እንዲጎበኙ አስተዋውቋል ተብሏል፡፡

አንዳንድ ተከታዮቹም ሮሂንጊያዎች ላይ የደረሰውን የመብት ረገጣ ሳያሳስበው ማይናማርን ጎብኙ በሚል የጻፈው መልዕክት ኃላፊነት የጎደለው ነው ሲሉ ወቀሳቸውን ሰንዝረዋል፡፡

በተጨማሪም ሮሂንጊያዎች ላይ የዘር ማጥፋት አካሂዳለች ተብላ በምትከሰስ ሀገር ውስጥ የእረፍት ጊዜውን ማሳለፉም ፍጹም ተገቢነት የጎደለው መሆኑንም ገልጸዋል፡፡

ምንጭ፦ቢቢሲ

 

You might also like
Comments
Loading...