Fana: At a Speed of Life!

የትራንስፖርት ሚኒስቴር ከክልሎች ጋር የመቶ ቀናት ዕቀድን ለማሳካት የሚያስችል የመግባቢያ ሰነድ ተፈራረመ

አዲስ አበባ፣ ህዳር 26፣ 2011 (ኤፍ.ቢ.ሲ) የትራንስፖርት ሚኒስቴር ከክልሎች ጋር የመቶ ቀናት ዕቀድን ማሳካት የሚያስችል የመግባቢያ ሰነድ በዛሬው ዕለት መፈራረሙን አስታወቀ።

የመግባቢያ ሰነዱን ከክልሎች ጋር የተፈራርሙት የፌደራል ትራንስፖርት ሚኒስትሯ ዳግማዊት ሞገስ ህብረተሰቡ በትራንስፖርት ዘርፍ የሚያነሳውን የአገለግሎት ችግር ለመቅርፍ በየደረጃው ያሉ የትራንስፖርት ተቋማት በኃላፊነትና በተጠያቂነት እንዲሰሩ አሳስበዋል።

የዕቅዱ ተግባራዊነት ላይም ሚኒስቴሩ ቁጥጥርና ድጋፍ እንዲያደርግ የሚያግዝ ሲሆን፥ ክልሎችም አፈጻጸማቸውን በየ21 ቀናቱ ወደ ሚኒስቴሩ በመላክ ውጤታቸው ይመዘናል ተብሏል፡፡

በምክክር መድረኩ ላይ ከትራንስፖርት አገለግሎቱ ጋር በተያያዘ እንደችግር ከተነሱት መካከል የመንጃ ፈቃድ አሰጣጥ፣ በመናኸሪያ አካባቢዎች ያለው ምቹ ያልሆነ ሁኔታና ከታሪፍ በላይ ማስከፈል ተጠቅሰዋል።

የተነሱትን ችግሮች ለመቅርፍም በትራንስፖርት ዘርፍ ላይ የተሰማሩ ሁሉ በቅንጅት መስራት እንድሚገባቸው ተጠቁሟል።

 

በአዳነች አበበ

You might also like
Comments
Loading...