Fana: At a Speed of Life!

የቡና ንግድ ህገ – ወጥ ግብይት በመስፋፋት ላይ መሆኑ ተገለፀ

አዲስ አበባ ፣ ህዳር 22 ፣ 2011 (ኤፍ ቢ ሲ) በኢትዮጵያ ከቡና ንግድ ጋር በተያያዘ የሚታየው ህገ – ወጥ ግብይት መልኩን እየቀየረ በመስፋፋት ላይ መሆኑ ተገለፀ።

የአዲስ አበባ ንግድ ቢሮ በየደረጃው ከሚገኙ የሴክተር አመራሮች፣ ባለድርሻ መስሪያ ቤቶችና ከንግዱ ማህበረሰብ ተወካዮች ጋር በህገ – ወጥ የቡና ንግድ እንቅስቃሴ ላይ ያተኮረ ምክክር አካሂዷል።

በምክክሩ ኮንትሮባንድን ጨምሮ ከቡና ንግድ ጋር በተያያዘ የሚታዩ ህገ – ወጥ ተግባራትን ለመከላከል የባለድርሻ አካላት የተቀናጀ ድጋፍ ተጠይቋል።

ለውጭ የሚቀርብ ቡና ሳይቀር በኮንትሮባንድ መልክ ለግብይት በሚቀርብባት አዲስ አበባም፥ ያለንግድ ፍቃድና ህጋዊ ደረሰኝ የሚፈፀመው የቡና ግብይት እየተስፋፋ ነው ተብሏል።

የቡና ምርትን በመጋዘን አከማችቶ ለሃገር ውስጥ ቸርቻሪዎች ማከፋፈል እየተለመደ ነው ያለው ቢሮው፥ ይህም የሃገሪቱን ምጣኔ ኃብት እየጎዳው መሆኑን ጠቅሷል።

በቡና ግብይት ላይ የሚታየው ህገ – ወጥና የኮንትሮባንድ እንቅስቃሴ በየጊዜው መልኩን እየቀየረ በመስፋፋት አደጋ በመሆን ላይ እንደሚገኝም የንግድ ቢሮው ኃላፊ አማካሪ አቶ መከታ አዳፍሬ ተናግረዋል።

ችግሩን ለመቆጣጠርና ለመከላከልም ከዚህ በፊት ከተሰሩት ጥናቶች በተጨማሪ ሌሎች አዳዲስ ጥናቶች እየተደረጉ መሆኑንም ነው የተናገሩት።

የሚደረገው ጥረት ስኬታማ ይሆን ዘንድም ሁሉም ባለ ድርሻ አካላት የበኩላቸውን ሊወጡ ይገባል ብለዋል።

 

You might also like
Comments
Loading...