Fana: At a Speed of Life!

የቅዱስ ጊዮርጊስ እና ኢትዮጵያ ቡና ሸገር ደርቢ ፍልሚያ ዛሬ 10 ሰዓት ላይ ይጀመራል

አዲስ አበባ ፣ታህሳስ 21፣2011 (ኤፍ ቢሲ) በዛሬው ዕለት በአዲስ አበባ ስቴዲየም የመዲናዋ ሁለት ታላላቅ ክለቦች የሚገኛኙበት ጨዋታ ይካሄዳል።

ቅዱስ ጊዮርጊስ ከኢትዮጵያ ቡና የሚያድርጉት የፕሪሚየር ሊግ ጨዋታ ዛሬ በአዲስ አበባ ስቴዲየም ከቀኑ በ10 ሰዓት  ይጀመራል፡፡

ሁሌም  ትኩረትን በሚስበው የሸገር ደርቢ ቅዱስ ጊዮርጊስም ሆነ ኢትዮጵያ ቡና በሳምንቱ አጋማሽ ካሳኩት ድል በኋላ የሚገናኙበትጨዋታ በመሆኑ  የፉክክር መጠኑ ከፍ እንደሚል ይጠበቃል።

ሁለቱ ታላላቅ ቡድኖች ፕሪሚየር ሊጉ 1991 እንደ አዲስ ከተጀመረ ወዲህ 38 ጊዜ የተገናኙ ሲሆን፥ ቅዱስ ጊዮርጊስ 18 ጊዜ እንዲሁም ኢትዮጵያ ቡና 6 ጊዜ ድል ቀንቷቸዋል።

በ14 ጊዜ  እርስ በርስ ያደረጓቸውን  ጨዋታዎች ደግሞ  በአቻ ውጤት ማጠናቃቸውን መረጃዎች ያሳያሉ።

በጉጉት የሚጠበቀውን  የሸገር ደርቢ ጨዋታ ኢንተርናሽናል ዳኛ በላይ ታደሰ በመሃል ዳኛነት ይመሩታል።

አርቢትሩ እስካሁን በሁለተኛው ሳምንት ወልዋሎ ከመቐለ እንዲሁም በአራተኛው ሳምንት ፋሲል ከኢትዮጵያ ቡና የተገናኙባቸውን ጨዋታዎች መርቶ በድምሩ አስር የማስጠንቀቂያ ካርዶችን አሳይቷል።

ምንጭ ፥ሶከር

You might also like
Comments
Loading...