Fana: At a Speed of Life!

የስሪላንካው ጠቅላይ ሚኒስትር ማሂንዳ ራጃፓስካ በራሳቸው ፍቃድ ስልጣናቸውን ለቀቁ

አዲስ አበባ፣ ታህሳስ 6፣ 2011 (ኤፍ.ቢ.ሲ) የስሪላንካው ጠቅላይ ሚኒስትር ማሂንዳ ራጃፓስካ በራሳቸው ፍቃድ ስልጣናቸውን መልቀቃቸው ተነግሯል።

ማሂንዳ ራጃፓስካ በራሳቸው የሀገሪቱ ጠቅላይ ሚኒስትር ሆነው ስልጣን ከተረከቡ ከ7 ሳምንታት በኋላ መሆኑ ነው የተገለፀው።

ሆኖም ግን ማሂንዳ ራጃፓስካ ጠቅላይ ሚኒስትር ሆነው መሾማቸውን ተከትሎ በሀገሪቱ ከፍተኛ የፖለቲካ ቀውስ ተፈጥሮ ቆይቷል ነው የተባለው።

አዲሱ ጠቅላይ ሚኒስትር ማሂንዳ ራጃፓስካ በሀገሪቱ የተፈጠረውን የፖለቲካ አለመረጋጋት ለማርገብ ሲሉም በዛሬው እለት በቤታቸው በተካሄደ ስነ ስርዓት የስራ መልቀቂያቸውን ፈርመው አስገብተዋል።

የጠቅላይ ሚኒስርቱ ልጅ ናማል እንዳስታወቀው፥ አባቱ በራሳቸው ስልጣን የለቀቁት በሀገሪቱ መረጋጋት እንዲሰፍን ነው።

ማሂንዳ ራጃፓስካ ባሳለፍነው ሳምንት ነበር የሲሪላንካ ጠቅላይ ሚኒስትር በመሆን የተሾሙት።

የሀገሪቱ ፕሬዚዳንት ማትሪፓላ ስሪሴና የቀድሞውን ጠቅላይ ሚኒስትር ራኒል ዊክሬሚሲንግሄን ከስልጣን በማንሳት ነበር ማሂንዳ ራጃፓስካ የሾሙት።

ምንጭ፦ ቢቢሲ

You might also like
Comments
Loading...