Fana: At a Speed of Life!

የሩዋንዳ አየር መንገድ ከኪጋሊ አዲስ አበባ የቀጥታ በረራ ሊጀምር ነው

አዲስ አበባ ፣ ታህሳስ 19፣ 2011 (ኤፍ.ቢ.ሲ) የሩዋንዳ አየር መንገድ ከኪጋሊ አዲስ አበባ የቀጥታ በረራ ሊጀምር መሆኑን አስታወቀ፡፡

አየር መንገዱ በሚቀጥለው የፈረንጆቹ ሚያዚያ ወር ከኪጋሊ ወደ አዲስ አበባ የቀጥታ በረራ እንደሚጀምር አስታውቋል።

በረራውን ሲ አር ጀ – 900 ኤን ጅ በተባለው አውሮፕላን በሳምንት 5 ቀን እንደሚያደርግም ገልጿል።

የበረራው መጀመር የሩዋንዳ አየር መንገድ ኪጋሊን ከሌሎች የአፍሪካ ከተሞች ጋር በቀላሉ ለማገናኘት እንደሚያስችለውም ነው የገለጸው።

በአዲስ አበባና በኪጋሊ መካከል ያለውን የቱሪዝም፣ ንግድና ሁለትዮሽ ግንኙነት የበለጠ ለማጠናከርና ለማሳደግ ያስችላልም ብሏል አየር መንገዱ ባወጣው መግለጫ።

በረራው የሩዋንዳ አየር መንገድ አፍሪካን ጨምሮ በሌሎች አህጉራት ያለውን መዳረሻ 27 ያደርሰዋል ተብሏል።

ምንጭ ፡- ኒውስ ታይምስ ዶት ኮም

You might also like
Comments
Loading...