Fana: At a Speed of Life!

የሁዋዌ ኩባንያ ምክትል ስራ አስኪያጅ ካናዳ ውስጥ ታሰሩ

አዲስ አበባ፣ህዳር 27፣2011 (ኤፍ.ቢ.ሲ) የቻይናው ግዙፍ የቴሌኮም ኩባንያ ሁዋዌ ምክትል ስራ አስኪያጅና የፋይናንስ ተቆጣጣሪዋ ሜንግ ዋንዦ ካናዳ ውስጥ መታሰራቸው ተገለፀ።

የሁዋዌ ኩባንያ መስራቹ  ባለቤት ልጅ የሆነቸው ሜንግ ከጥቂት ቀናት በፊት ነው በካናዳ ፖሊስ በቁጥጥ ስር የዋለችው።

ሜንግ  በካናዳ ፖሊስ ቁጥርር ስር የዋለችበት ምክንያትም እስካሁን ይፋ ያለመደረጉ ነው የተገለፀው።

ይሁን እንጂ ሁዋዌ የተሰኘው ኩባንያ አሜሪካ በኢራን ላይ  የጣለችውን ማዕቀብ በመጣስ የተለያዩ የደህንነት ስራዎችን በጋራ መስራቱ ጋር በተያየዘ ሳይሆን እንደማይቀር ነው የተገለፀው።

ከዚህ ጋር በተያያዘም ካናዳ ሜንግን ለአሜሪካ አሳልፋ ልትሰጥ እንደምትችል እየተነገረ ነው።

የኃላፊዋ በቁጥጥር  ስር መዋል ተከትሎም በካናዳ የሚገኘው የቻይና ኢምባሲ ሜንግ ምንም አይነት ጥፋት ያልሰራች በመሆኗ በአስቸኳይ ከእስር እድትለቀቅ አሳስቧል።

ኩባንያው በበኩሉ የሃላፊዋ መታሰር ምክንያቱ ግልፅ አለመሆኑን በመጠቆም ጉዳዩን  በቅርበት  እየተከታተለ መሆኑን ነው ያስታወቀው።

ሜንግ ለአሜሪካ ተላልፍ እንደምትሰጥ የጠቆመው የካናዳ የፍትህ ሚኒስቴር በነገው ዕለትም በዋስትና ጉዳይ ላይ ብይን ለመስጠት ፍርድ ቤት የምትቀርብ መሆኑን አስታውቋል።

ኒውዮርክ ታይምስ የአሜሪካ ባለስልጣናትን ጠቅሶ እንደ ዘገበው ከሆነ ደግሞ ሜንግ የታሰረችው የሁዋዌ ኩባንያ በኢራን እና በሰሜን አሜሪካ የተጣለውን ማዕቀብ በመጣስ በጋራ ለመስራት ሞክሯል በሚል ምክንያት ነው ተብሏል።

ይሁን እንጂ አሜሪካ በጉዳዩ ላይ አስተያየት ከመስጠት ተቆጥባለች ።

ጉዳዩ በዚህ ወቅት መከሰቱም አሜሪካ እና ቻይና የገቡበትን የንግድ ጦርነት ይበልጥ እንዳያባብሰው ተሰግቷል።

ከዚህ በተጨማሪም  አሜሪካና ቻይና ባለፈው ሳምንት በቡድን 20 ሀገራት ስብሰባ ወቅት የፈፀሙትን  የሁለትዮሸ  ስምምንት ተግባራዊ  እንዳይሆን ያደርጋል  ነው የተባለው ።

 

ምንጭ ፦ቢቢሲ

You might also like
Comments
Loading...