Fana: At a Speed of Life!

ኮሪያውያኑን ፓፕ ስታር ለመምሰል 30 የፕላስቲክ ሰርጀሪ ያደረገው ወጣት

አዲስ አበባ፣ ታህሳስ 2፣ 2011 (ኤፍ.ቢ.ሲ) ራት ቻዳፖንግ ፕራሲት የተባለው የ25 ዓመት ታይላንዳዊ ወጣት የኮሪያውን ፓፕ ስታር ለመምሰል 30 የፕላስቲክ ሰርጀሪ ማድረጉ ተገልጿል።

በዚህም በሁለት ተከታታይ ዓመታት ከ30 ጊዜ ሙከራ በኋላ ወጣቱ የኮሪያውን የፖፕ ስታር ለመስል ችሏል ተብሏል።

9 ሺህ 100 የአሜሪካ ዶላር ለፕላስቲክ ሰርጀሪ ያወጣው ፕራሲት፥ ሰርጀሪ ከመሰራቱ በፊት እና በኋላ የተወሰዱ ፎቶዎቹ ሁለት የተለያዩ ሰዎች መምሰላቸውም ተነገሯል።

በድምጽና በተወዛወዥነት ፓታይ ለተባለው ትያትር ቤት ለ7 ያህል ጊዜ ለውድድር ቀርቦ በተለያዩ ምክንያቶች ተቀባይነት አጥቶ የነበረው ወጣቱ ፥አሁን ላይ በዚሁ ትያትር ቤት ካርፔት ለተሰኘው ውዝዋዜ ባለሙያ ለመሆን በቅቷል ተብሏል።

በሀገሪቱ ‘‘ዋን ማን ታለንት’’ በተባለው ውድድር አሸናፊ ከመሆኑም በላይ በሀገሪቱ የመገናኛ ብዙሃን ታወቂ መሆኑ ተነግሯል።

ወጣቱ በፕላስቲክ ሰርጀሪ የተላበሰው አዲሱ ገጽታው ከጫማ ሻጭነት የመድረክ ሰው ለመሆን እንዳስቻለውም አስታውቋል።

አሁን ላይ በርካታ ምቹ ሁኔታዎች የተፈጠረለት መሆኑን የገለጸው ወጣቱ፥ አሁን ከደረሰበት ደረጃ ላይ ለመድረስ በርካታ ውጣ ውረዶችን ማለፉን ገልጿል።

ውጤታማ የፕላስቲክ ሰርጀሪ ከመሰራቱ በፊት በስራውም ሆነ በማህበራዊ ግንኙነቱ ውጤታማ ያልነበረ መሆኑም ተነገሯል።

ምንጭ፦ odditycentral.com

You might also like
Comments
Loading...