Fana: At a Speed of Life!

ካሜሩን የ2019 የአፍሪካ ዋንጫ አስተናጋጅነቷን ተነጠቀች

አዲስ አበባ ፣ ህዳር 22 ፣ 2011 (ኤፍ ቢ ሲ) ካሜሩን የ2019 የአፍሪካ ዋንጫ አስተናጋጅነቷን ተነጠቀች።

የአፍሪካ እግር ኳስ ኮንፌዴሬሽን (ካፍ) ትናንት በጋናዋ መዲና አክራ ባደረገው ስብሰባ፥ ካሜሩን በያዝነው አመት ሰኔ ወር ላይ የሚስተናገደውን የአህጉሪቱን ትልቅ የእግር ኳስ ውድድር አታስተናግድም ብሏል።

ካፍ ጉዳዩን በተመለከተ በሰጠው መግለጫ ውድድሩ እየተቃረበ ቢሆንም ካሜሩን እያደረገች ያለው ዝግጅት አመርቂ አለመሆኑን አስታውቋል።

ይህን ተከትሎም ያውንዴ አስተናጋጅነቷን ተነጥቃለች፤ በያዝነው የፈረንጆቹ 2018 መጨረሻም አስተናጋጁን ሃገር ይፋ አደርጋለሁ ብሏል።

ካፍ በመግለጫው ካለው ህገ ደንብና መመሪያ አንጻር ውድድሩን የማራዘሙ ጉዳይ የማይቻል መሆኑንም ጠቅሷል።

የካሜሩን የአፍሪካ ዋንጫ አስተናጋጅ ኮሚቴ ሊቀ መንበር አማጁ ፒኒክ ባለፈው ነሃሴ ወር ላይ አስተናጋጅነቱን ከሃገራቸው የሚቀማ እንደሌለ ገልጸው ነበር።

የካሜሩንን አስተናጋጅነት መቀማት ተከትሎም የሰሜን አፍሪካዎቹ ግብጽ እና ሞሮኮ እንዲሁም ደቡብ አፍሪካ የሰኔውን ውድድር የማስተናገድ እድሉ አላቸው ተብሏል።

 

ምንጭ፦ ቢቢሲ

 

 

You might also like
Comments
Loading...