Fana: At a Speed of Life!

ከደም መፍሰስ ጋር በተያያዘ የሚከሰት የእናቶች ሞት በ72 በመቶ መቀነሱ ተገለጸ

አዲስ አበባ፣ ታህሳስ 16፣ 2011 (ኤፍ.ቢ.ሲ) በሀገሪቱ ከደም መፍሰስ ጋር በተያያዘ የሚከሰት የእናቶችን ሞት 72 በመቶ መቀነሱ ተገልጿል።

የጤና ጥበቃ ሚኒስቴር የእናቶች ጤና ከፍተኛ ባለሙያ ወይሮ ዘመዘም መሀመድ የጤና ጥበቃ ሚኒስቴር የጤና ተቋማትን ተደራሽ ለማድረግና አገልግሎቱን በቅርበት ለመስጠት ባከናወናቸው ተግባራት በወሊድ ምክንያት የሚከሰት የእናቶቻቸው ሞትን 72 በመቶ መቀነስ መቻሉ ተናግረዋል።

ይሁን እንጂ አሁንም ቢሆን ከ1ዐዐ ሺህ እናቶች 412 ያህሉ ከወሊድ ጉዳዮች ጋር በተያያዘ ህይወታቸው እንደሚያልፍና እነዚህን እናቶች ለመታደግ ሁሉም አካላት ርብርብ ማድረግ እንዳለበት ተናግረዋል፡፡

ከወሊድ ጋር በተያያዘ በእናቶች ላይ የሚከሰት ሞትም 67 በመቶ ያህሉ በወሊድ ጊዜ ከሚከሰት ደም መፍሰስ ጋር ተያያዥነት እንዳለው ተናግረዋል።

እናቶች ለዚህ አደጋ የሚጋለጡትም ወደ ህክምና ተቋም እስኪደረሱ ድረስ በሚከሰተው መዘግየት መሆኑን አስረድተዋል፡፡

በእርግዝና ጊዜ በሚከሰት የደም ግፊት፣ የደም ማነስና ሌሎች ችግሮችንም በቅድመ ወሊድ በጤና ተቋም የሚደረግ ክትትል ለማቃለል የሚቻል መሆኑም አስገንዝበዋል።

የእናቶች ጤና ከፍተኛ ባለሙዋ ወይሮ ዘመዘም ለጋዜጠኞች እንደተናገሩት “በደም መፍሰስ ምክንያት የሚከሰት የእናቶች ሞትን በጋራ እንከላከል” በሚል መሪ ቃል በጥር ወር 2011 ዓ.ም የጤናማ እናትነት ወር ይከበራል።

ዘገባው የጤና ጥበቃ ሚኒስቴር ነው።

You might also like
Comments
Loading...