Fana: At a Speed of Life!

እስራኤል 40 በላይ የሚሆኑ የሃማስ ደጋፊዎችን አሰረች

አዲስ አበባ፣ ታህሳስ 5፣ 2011 (ኤፍ.ቢ.ሲ) የእስራኤል ወታደሮች ከ40 በላይ የሚሆኑ የሀማስ ደጋፊዎችን በቁጥጥር ስር ማዋላቸው ተገለፀ።

ደጋፊዎቹ በቁጥጥር ስር የዋሉት በእስራኤል ስር በምትገኘው ዌስት ባንክ አካባቢ መሆኑን የሀገሪቱ  መከላከያ ሚኒስቴር አስታውቋል።

የእስራኤል ወታደሮች ደጋፊዎችን በቁጥጥር ስር ያዋሉት በአካባቢው  ሲንቀሳቀሱ የነበሩ ሁለት የእስራኤል ወታደሮች ባልታወቁ ሰዎች መገደላቸውን ተከትሎ ነው ተብሏል።

የሃማስ ባለስልጣናት በበኩላቸው፥በዌስት ባንክ የእስራኤልን ህገ ወጥ እንቅስቃሴ የሚቃወሙ ሁለት የህግ ባለሙያ አባሎቻቸውን ጨምሮ በርካታ ደጋፊዎቻቸው በእስራኤል ወታደሮች መታሰራቸውን ገልጸዋል።

ከዚህ ባለፈም የእስራኤል ወታደሮች በ24 ሰዓት ውስጥ በራማላህ አካባቢ በፈፀሙት ጥቃት የ4 ፍልስጤማውያን ህይዎት ማለፉ ነው የተገለፀው።

በተጨማሪም በአንድ ሳምንት ውስጥ ከ70 በላይ የሚሆኑ የሃማስ አባላት በእስራኤል ወታደሮች መታሰራቸው በዘገባው ተመላክቷል።

ምንጭ፦አልጀዚራ

You might also like
Comments
Loading...