Fana: At a Speed of Life!

ኢንስታግራም የድምፅ መልእከት ለመላላክ የሚያስችል አገለግሎት ይፋ አደረገ

አዲስ አበባ፣ ታህሳስ 3፣ 2011 (ኤፍ.ቢ.ሲ) የማህበራዊ ትስስር ገፅ የሆነውና ብዙውን ጊዜ ፎቶ ግራፍና አጫጭር ቪዲዮዎችን ለማጋራት በብዛት ጥቅም ላይ የሚውለው ኢንስታግራም አሁን ደግሞ አዲስ አገልግሎት በገፁ ላይ መጨመሩ ተነግሯል።

አዲሱ የኢንስታግራም አገልግሎትም የገፁ ተጠቃሚዎች ድምፃቸውን በመቅዳት በግል ወይም በቡድን ቻት ላይ መልእከት ለመለዋወጥ የሚያስችል ነው ተብሏል።

በዚህ አገልግሎት መሰረት በገፁ የመልእከት መላላኪያ ውስጥ ያለውን የማይክራፎን ምልክት በመጫን እስከ አንድ ደቂቃ ድረስ ድምፃችንን በመቅዳት መላክ እንችላለን።

የምንፈልገውን መልእክት ከቀዳን በኋላ ጣታችንን ከማይክራፎን ምልክቱ ላይ በምናነሳበት ጊዜም መልእክቱ ወዲያው የሚላክ መሆኑም ተነግሯል።

የምንልከው መልክት መተው ከፈለግን አሊያም እንደ አዲስ ቀድተን መላክ ከፈለግን ደግሞ ጣታችነን ከቀዳነው ድምፅ ላይ ሳናነሳ ወደ ቅርጫት ምልክቱ በመውሰድ ማጥፋት እንችላለን።

አዲሱ የኢንስታግራም የድምጽ መልእከት አገልግሎት ዋትስአፕ እና አይ ሜሴጅን ጨምሮ ሌሎች የመልክእት መላላኪያ መተግበሪያዎች ጋር ተመሳሳይነት ያለው ነው ተብሏል።

የኢንስታግራም የድምፅ መልእክት መላላኪያ አገልግሎቱ የአይፎን (አይ.ኦ.ኤስ) እና አንድሮይድ ኦፕሬቲንግ ሲስተም በሚጠቀሙ ስልኮች ላይ አገልግሎት መስጠት እየጀመረ መሆኑም ተነግሯል።

ምንጭ፦ fossbytes.com

You might also like
Comments
Loading...