Fana: At a Speed of Life!

ኢትጵያ ቡና የፕሪምየር ሊጉን መሪነት ተረከበ

አዲስ አበባ፣ ታህሳስ 21፣ 2011 (ኤፍ.ቢ.ሲ) የኢትዮጵያ ፕሪምየር ሊግ ስምንተኛ ሳምንት ጨዋታዎች በተለያዩ ከተማዎች ተከናውነዋል፡፡

ዛሬ ከተደረጉ ስድስት ጨዋታዎች ውስጥ አምስቱ ዘጠኝ ሰዓት ላይ የተካሄዱ ሲሆን፥ የኢትዮጵያ ቡናና የቅዱስ ጊዮርጊስ ጨዋታ 10 ሰዓት ላይ ተካሂዷል፡፡

በውጤቱም ኢትዮጵያ ቡናና የቅዱስ ጊዮርጊስ 0 ለ 0 በሆነ ውጤት በመለያየታቸው ኢትዮጵያ ቡና የፕሪምየር ሊጉን መሪነት መረከብ ችሏል፡፡

ዘጠኝ ሰዓት ላይ ከተካሄዱት ጨዋታዎች መካከል በሀዋሳ ስቴዲየም ሲዳማ ቡና ሐዋሳ ከተማን 1 ለ0 በሆነ ውጤት አሸንፏል።

በባህር ዳር ዓለማቀፋዊ ስቴዲየም ጨዋታቸውን ያደረጉት መከላከያና ባህር ዳር ከተማ ደግሞ 1 ለ 1 በሆነ አቻ ውጤት ተለያይተዋል።

በተመሳሳይ ሰዓት ጨዋታቸውን ያካሄዱት ወላይታ ዲቻና ድሬዳዋ 1 ለ 1 በሆነ አቻ ውጤት ሲለያዩ ፥ መቐለ 70 እንደርታ እና ስሁል ሽረ ደግሞ 0 ለ 0 በሆነ ውጤት ጨዋታቸውን አጠናቀዋል።

አዲስ አበባ ስታዲየም በተካሄደው የኢትዮጵያ ቡና እና ቅዱስ ጊዮርጊስ ጨዋታ ወቅት በስታዲየም ውስጥ የሰላም ሚኒስትሯ ወይዘሮ ሙፈሪያት ካሚል ተገኝተው ለታዳሚው ንግግር አድርገዋል፡፡

You might also like
Comments
Loading...