Fana: At a Speed of Life!

ኢትዮጵያውያን አትሌቶች በተለያዩ ሀገራት በተካሄዱ የማራቶን ውድድሮች ድል ቀንቷቸዋል

አዲስ አበባ፣ህዳር 1፣2011 (ኤፍ. ቢ.ሲ)  ከ29 በላይ ኢትዮጵያውያን አትሌቶች ባሳለፍው ሳምንት ህዳር 28 እና 30 ቀን 2011 ዓ. ም  ላይ በተለያዩ የአለም ሃገራት በተካፈሉባቸው የጎዳናና የማራቶን ሩጫ ውድድሮች ላይ ድል ቀንቷቸዋል።

ትናንት በቻይና በተካሄደው የጉዋንዡ  ማራቶን ውድድር  በወንዶች ምድብ ጋዲሳ ሹሜ በ2፡10፡44 ሰዓት 2ኛ በመውጣት ውድድሩን ሲያጠናቅቅ  ባለው ደርሰህ  ደግሞ በ2፡10፡53 ሰዓት 3ኛ ሆኖ ጨርሷል።

በሴቶቹ ምድብ ትዕግስት ግርማ በ2፡26፡44 ሰዓት በመግባት ቀዳሚ ስትሆን ዝናሽ ደበበ ደግሞ በ2፡27፡15 ሰዓት በመግባት 2ኛ ሆና አጠናቃለች፡፡

በስፔን ዙሪክ  በተደረገው የማላጋ ማራቶን ውድድር  በወንዶቹ ምድብ ለሚ ዱመቻ  ርቀቱን በ2፡11፡07  ሰዓት በማጠናቀቅ ቀዳሚ

ሆኗል።

በሴቶቹ ምድብ  ደግሞ መሰረት አበባየሁ 2፡32፡20 ሰዓት በመግባት ቀዳሚ ስትሆን በሻዱ በቀለ በ2፡33፡16 ሰዓት በመግባት 2ኛ ሆና ጨርሳለች፡፡

በኢጣሊያ በተካሄደው የሬጊዮ ኤሚላ ማራቶንም በሴቶች ፀሀይ አለሙ በ2፡29፡59 ሰዓት በመግባት ውድድሩን በቀዳሚነት አጠናቃለች ።

በበህንድ በተካሄደው የባንጋሎር ማራቶን በሴቶቹ ምድብ ውድድሩን  ፈቀደ ስመኝ በ3፡11፡36 ሰዓት ቀዳሚ ሆና ማጠናቀቋ ነው የተገለፀው።

በሌላ በኩል  በቻይና በተካሄደው የታይፔይ ማራቶን በወንዶች አርዶም ጥዑማይ በ2፡16፡59 ሰዓት በመግባት 1ኛ ሲሆን ረጋሳ ምንዳዬ ደጂጋ በ2፡17፡01 ሰዓት አጠናቆ 2ኛ ሆኖ ገብቷል።

በሴቶቹ ምድብ  ደግሞ በቀሉ ቤጂ ርቀቱን በ2፡33፡02 ሰዓት በማጠናቀቀ 2ኛ በመሆን ውድደሩን  አጠናቃለች።

 

You might also like
Comments
Loading...