Fana: At a Speed of Life!

አውስትራሊያ ምዕራብ እየሩሳሌምን በእስራኤል ዋና ከተማነት እንደምትቀበል አስታወቀች

አዲስአበባ፣ ታህሳስ 6፣ 2011(ኤፍ.ቢ.ሲ) የአውስትራሊያው ጠቅላይ ሚኒስትር ስኮት ሞሪሰን መንግስታቸው ምዕራብ እየሩሳሌምን የእስራዔል ዋና ከተማ አድርጎ እንደሚቀበል አስታወቁ፡፡

ጠቅላይ ሚኒስትሩ እንዳሉት ኤምባሲያቸውን ከቴልአቪቭ ወደ እየሩሳሌም እንደማያዛውሩ አስታውቀዋል፡፡

ለዚህም የሰጡት ምክንያት ኤምባሲውን እንዲዞር ሁለቱ ወገኖች የሰላም ስምምነት ላይ መድረስ አለባቸው ብለዋል፡፡

የእየሩሳሌም ጉዳይ የዩናይትድ ስቴትስ ፕሬዚዳንት ዶናልድ ትራምፕ ወደ ስልጣን ከመጡ በኃላ ዋነኛ መነጋገሪያ አጀንዳ ሆኗል፡፡

በእስራኤል ቴልአቪቭ የሚገኘው የአሜሪካ ኤምባሲም ባለፈው ዓመት ግንቦት ወር ላይ ወደ እየሩሳሌም መዛወሩ የሚታወስ ነው፡፡

የአሜሪካ ኤምባሲ መዛወር ተከትሎ ጓቲማላና ፓራጓይም ኤምባሲዎቻቸውን ወደ እየሩሳሌም አዛውረው ነበር፡፡

ሆኖም በፓራጓይ የመንግስት ለውጥን ተከትሎ ሀገሪቱ ለሦስት ወራት መቀመጫውን በእየሩሳሌም አድርጎ የነበረው ኤምባሲዋን ወደ ቴልአቪቭ እንዲመለስ ወስናለች፡፡

 

ምንጭ፦አልጀዚራ

በአብርሃም ፈቀደ

You might also like
Comments
Loading...