Fana: At a Speed of Life!

የእስራዔል ተመራማሪዎች የነፍሳትን ድምጽ መስማት የሚችሉ አበቦችን አገኙ

አዲስ አበባ፣ ታህሳስ 22፣ 2011 (ኤፍቢሲ) የእስራዔል ተመራማሪዎች በሳምንቱ ውስጥ አንድ ያልተለመደ ነገርን ይዘው መጥተዋል እርሱም አበቦች የነፍሳትን ድምጽ መስማት እንደሚችሉ ይፋ ማድረጋቸው ነው፡፡

አበቦቹ የአበባ ቀሳሚዎቹን ነፍሳት ድምጽ በሚሰሙበት ወቅት በሦስት ደቂቃ ውስጥ በውስጣቸው ያለውን የስኳር መጠን ይጨምራሉ ብለዋል፡፡

ተመራማሪዎቹ ጥናቱን ያካሄዱት ፕሪምሮስ በተሰኘው የዱር አበባ ላይ መሆኑን ገልጸዋል፡፡

ተክሎች ከመስማት ባሻገር በቅርብ የተካሄዱ ጥናቶች እንደሚያመለክቱት የማሽተት፣ የንክኪ እና የብርሃን ስሜቶችን ስለመያዛቸውና ምላሽ እንደሚሰጡም ይፋ መደረጉ ይታወሳል፡፡

ተመራማሪዎቹ የአበቦች የዕድገት ቅርጽ በሚሰሙት ድምጽ ተጽዕኖ እንደሚያርፍበት ጠቅሰዋል፡፡

ሰውሰራሽ የሆኑ ድምጾችም በአበቦቹና በነፍሳቱ መካከል ያለውን የመግባባት ችሎታ እንደሚያስተጓጉሉም አስታውቀዋል፡፡

ሽንዋ ሃርቴዝ ጋዜጣን ጠቅሶ እንደዘገበው ይህ ግኝት የአበቦችንና የነፍሳትን ዝግመተለውጣዊ ሂደት ለማወቅ እንደሚረዳ ተመራማሪዎቹ መግለጻቸውን ዘግቧል፡፡

 

ምንጭ፦ሽንዋ

በአብርሃም ፈቀደ

You might also like
Comments
Loading...