Fana: At a Speed of Life!

አሜሪካ ከ28 ዓመታት በኋላ በሶማሊያ ኤምባሲዋን ከፈተች

አዲስ አበባ ህዳር 26፣ 2011 (ኤፍ.ቢ.ሲ) ዩናይትድ ስቴትስ ከ28 ዓመታት በፊት የዘጋችውን ኤምባሲዋን ዳግም ሞቃዲሾ ላይ መክፍቷን አስታወቀች፡፡

የአሜሪካ ውጭ ጉዳይ መስሪያ ቤት የኤምባሲውን በሞቃዲሾ መከፈት አስመልክቶ በሰጠው መግለጫ ውሳኔው በሀገሪቱ የጸጥታ፣ የዲሞክራሲ እና የምጣኔ ሃብት መሻሻል ላይ ጉልህ ሚና እንደሚጫወት ጠቅሷል፡፡

በሞቃዲሾ ለተከፈተው ኤምባሲውም አምባሳደር ዶናልድ ያማሞቶ መሾማቸውን ስቴት ዲፓርትመንት ገልጿል፡፡

በተጨማሪም በሃገሪቱ እየተሻሻለ የመጣው የጸጥታ ሁኔታ ለኤምባሲው መከፈት እንደምክንያት ከተነሱ ጎዳዮች መካከል ዋነኛው ነው ተብሏል፡፡

አሜሪካ በሶማሊያ የሚገኘውን ኤምባሲዋን የዘጋቸው በአውሮፓውያኑ 1991 ከተቀሰቀሰው የእርስበርስ ግጭት በኋላ እንደነበር ይታወሳል፡፡

በአሁኑ ወቅትም አሜሪካ አልሻባብ ላይ ተደጋጋሚ የሆነ የአየር ጥቃት እንደምትሰነዝር ተገልጿል፡፡

እንዲሁም በተባበሩት መንግስታት ድጋፍ ለተሰማራው የአሚሶም ኃይል ድጋፍ በማድረግ ላይ ትገኛለች፡፡

 

ምንጭ፦ሮይተርስ

በአብርሃም ፈቀደ

You might also like
Comments
Loading...