Fana: At a Speed of Life!

አለ በጅምላ በውጭ ምንዛሬ እጥረት ለአንድ አመት ከፓልም ዘይት ውጭ ምንም አይነት የፍጆታ እቃን ከውጭ እንዳላስገባ ተገለፀ

አዲስ አበባ ህዳር፣ 25፣2011 (ኤፍ.ቢ.ሲ) አለ በጅምላ በውጭ ምንዛሬ እጥረት ምክንያት ለአንድ አመት  ከፓልም ዘይት ውጭ ምንም አይነት የፍጆታ እቃን ከውጭ ገዝቶ አለማስገባቱን አስታወቀ።

በዚህም ምክንያት ተቋሙ የተቀመጠለትን የገበያ ማረጋጋት ስራ ለመወጣት በከፍተኛ ደረጃ መቸገሩን ለፋና ብሮድካስቲንግ ኮርፖሬት አስታውቋል።

በኢትዮጵያ የንግድ ስራዎች ኮርፖሬሽን የፍጆታ እቃዎች ንግድ ዘርፍ ወይንም አለ በጅምላ ሀላፊ ተወካይ አቶ ቶፊቅ ይመር ፥የፓልም ዘይት ለማስገባትም እንደተቸገሩ ተናግረዋል።

በቅርቡ ተቋሙ ተጠሪ ከሆነበት የኢትዮጵያ የንግድ ስራዎች ኮርፖሬሽን ስር ካሉ ሌሎች ዘርፎች 400 ሚሊየን ብር ተበድሯል ተብሏል።

ሆኖም እስከ ተያዘው ሳምንት ማጠናቀቂያ ድረስ የ2 ነጥብ 1 ሚሊየን የአሜሪካ ዶላር ምንዛሬ ፍቃድ ይጠናቀቃል ተብሎ እንደሚጠበቅ አቶ ቶፊቅ ገልጸዋል።

በዚህም ከአመት በሁዋላ ለመጀመርያ ጊዜ ከፓልም ዘይት ውጭ 24 የፍጆታ ሸቀጦችን ከውጭ ገዝቶ ለማስገባት ይሰራል ብለዋል ።

ሆኖም ተቋሙ ያለበት የመስሪያ ካፒታል እጥረት ከፍተኛ በመሆኑ የተገለፀ ሲሆን፥ ሲቋቋም ከኢትዮጰያ ንግድ ባንክ እንዲበደር የተደረገውና እስካሁን እየከፈለው ያለው እዳ ቢሰረዝለት የተሻለ ሊሰራ እንደሚችል ተገልጿል ።

 

በካሳዬ ወልዴ

You might also like
Comments
Loading...