Fana: At a Speed of Life!

ቻይና ሰራሹ ጄት ሊኔር ኤአርጄ 21-700 የመጀመሪያውን የባህር ላይ በረራ አካሄደ

 

አዲስ አበባ፣ታህሳስ 18፣2011 (ኤፍ.ቢ.ሲ) በቻይና የተሰራው ጄት ሊኔር ኤአርጄ 21-700 አውሮፕላን በትናትናው ዕለት የመጀመሪያውን የባህር ላይ በረራ ማካሄዱ ተገለፀ።

አውሮፕላኑ  በደቡብ ቻይና በሚገኘው ሄይናን ደሴት አካባቢ  በሚገኘው  ሞቃታማ ባህር ላይ የተሳካ በረራ ማድረጉ ተገልጿል።

የበረራ መነሻውን ሚላን አለም አቀፍ አውሮፕላን ማረፊያ ያደረገው ጄቱ ለ2 ሰዓት 30 ያህል የባህር ላይ ቅኝት ማድረጉ ተነግሯል።

የባህር ላይ በረራ አላማም አውሮፕላኑ በሞቃታማ አየር ንብረት ክልል ውስጥ በሚገኙ የውሃ አካሎች ላይ የሚያደርገውን የበረራ አቅምና ሁኔታ ለመለካት የሚያስችል ነው ተብሏል።

ጄት ሊኔር ኤአርጄ 21-700 አውሮፕላን በቀጣይም ከፍተኛ ሙቀትና ውሽንፍር በሚስተዋልባቸው ሸለቋማ ቦታዎች ላይ የበረራ ልምምድ የሚያካሂድ መሆኑ ተጠቁሟል።

ይህም በተለየ ጊዜ ሊያጋጥሙ የሚችሉ ድንገተኛ አደጋዎችን ለመከላከልና በጉዳዩ ዙሪያ ስኬታማ ዘመቻ ለማድረግ ያስችላል ነው የተባለው።

ምንጭ፦ቻይና ዴይሊ ዶትኮም

You might also like
Comments
Loading...